ساہ آیا آیا ناں آیا اِس ساہ دا کچھ اعتبار نہیں
دم دم تیرے دم گھٹ دے نے اس دم بدلے دم مار نہیں
Saah aaya aaya naan aaya is saah da kuch aitbaar nahin
Dam dam tere dam ghat de ne is dam badle dam maar nahin
ایتھے اپنے اپنے نہیں بن دے کی شکوہ کرئیے غیراں دا
ایہنوں سمجھ نہ اپنی ناداناں ایہہ دنیا کسے دی یار نہیں
Itthe apne apne nahin ban de ki shikwa kariye ghera da
Ehnuh samajh na apni nadanaan eh duniya kise di yaar nahin
جہنوں اپنی اپنی کردا ایں جس اُتے جاندا مردا ایں
لکھ پیار توں کر اس دنیا تھیں ایہہ کسے نوں کر دی پیار نہیں
Jehnuh apni apni karda ein jis ute jaanda marda ein
Likh pyaar toon kar is duniya thon eh kise nu kardi pyaar nahin
توں گوہڑیاں گوہڑیاں رنگاں تے پیا ایویں مر مر جانا ایں
ایہہ کنڈیاں بھریاں جھاڑیاں نے ایہہ گلشن نہیں گُلزار نہیں
Toon gohriaan gohriaan rangaan te piya ewein mar mar jaana ein
Ehh kandiyan bhariyan jhaariyan ne eh gulshan nahin gulzaar nahin
عملاں تھیں جھولی بھردا رہو سوہنے دا ذکر توں کردا رہو
تری منزل راہیا لمی ایں توں راہ وچ پیر پسار نہیں
Amlaan thon jholi bharda raho sohne da zikr toon karda raho
Teri manzil rahiya lami ein toon raah vich peer psar nahin
کربل وچ سبق سکھایا سی اُمت نوں شہید اعظم نے
ایہہ دنیا دھوکھا ای دھوکھا اے ایہہ کسے نوں کردی پیار نہیں
Karbal vich sabaq sikhaya si ummat nu shaheed aazam ne
Ehh duniya dhokha ae dhokha ae eh kise nu kardi pyaar nahin
کیوں بھل جاناں ایں ناداناں توں قبر ہنھیری وچ جانا
جتھے باہجوں عشق محمد دے تیرا ہونا بیڑا پار نہیں
Kyun bhal jaanaan ein nadanaan toon qabar hanheri vich jaana
Jitthe bhajjoh ishq Mohammad de tera hona biera paar nahin
جدوں وقت اخیری اوناں ایں سجناں نے مُکھ پرتاؤناں ایں
تیرے مُک گئے ساہ تے اک ساہ وی تینوں دینا کسے اُدھار نہیں
Jadon waqt akheeri onaan ein sajnaan ne mukh prtaonaa ein
Tere muk gaye saah te ik saah vi tenho dena kise udhaar nahin
محشر نوں پیش جاں ہوویں گا تک تک عملاں نوں روویں گا
تیرے ہتھاں پیراں وی صائم بنناں تیرا غمخوار نہیں
Mahshar nu pesh jaan hovein ga tak tak amlaan nu rovein ga
Tere hathaan pairaan vi Saaim banna tera ghamkhor nahin
Share This Naat
Share with friends and family
ساہ آیا آیا ناں آیا اِس ساہ دا کچھ اعتبار نہیں
علامہ صائم چشتی