یا الٰہی دلِ مسلم کو فروزاں کر دے
اس کے حالات کو فردوس بداماں کر دے
Ya ilahi dil-e-muslim ko farozan kar de
Is ke halat ko firdous badaaman kar de
تازگی بخش دے مرجھائے ہوئے پھولوں کو
ڈالی ڈالی کو ہم آغوشِ بہاراں کر دے
Tazagi bakhsh de murjhae hue phoolon ko
Dali dali ko hum aghosh-e-baharan kar de
واسطہ شانِ کریمی کا تری ہے تجھ کو
مشکلیں بے کس و نادار کی آساں کر دے
Wasta shan-e-karimi ka teri hai tujh ko
Mushkilen be kas-o-nadar ki aasan kar de
نارِ نمرود لپکتی ہے ہمیں پھر یا رب
اس کے شعلوں کو تو گلہائے گلستاں کر دے
Nar-e-Namrood laparakti hai humein phir ya rab
Is ke sholon ko tu gulehae gulistan kar de
حق پسندوں سے ہیں الجھے ہوئے اہلِ باطل
یا الٰہی انھیں رسوا سرِ میداں کر دے
Haq pasandon se hain uljhe hue ahl-e-batil
Ya ilahi unhein ruswa sar-e-maidaan kar de
نرغۂ کفر سے بچنے کی نہیں کوئی سبیل
اپنے بندوں کے لیے غیب سے ساماں کردے
Nargha-e-kufr se bachne ki nahi koi sabeel
Apne bandon ke liye ghaib se saaman kar de
تیری رحمت کے سہارے ہی ہے اپنی کشتی
موجِ طوفاں کو سفینے کا نگہباں کر دے
Teri rehmat ke sahare hi hai apni kashti
Mauj-e-toofaan ko safeene ka nigahban kar de
حیدر و خالد و طارق سا جری پیدا کر
شانِ حق سارے زمانے میں نمایاں کردے
Haider o Khalid o Tariq sa jari paida kar
Shan-e-haq saare zamane mein numayan kar de
لشکرِ کفر مٹانے پہ تلا ہے یا رب
پھر ابابیل کے لشکر کو نگہباں کر دے
Lashkar-e-kufr mitaane pe tala hai ya rab
Phir ababeel ke lashkar ko nigahban kar de
جس سے ہر وقت رہے تیری عبادت کا سرور
تو عطا ہم کو وہی بادۂ عرفاں کردے
Jis se har waqt rahe teri ibadat ka suroor
Tu ata hum ko wahi bada-e-irfan kar de
تیرا احسؔن ہے گنہگار مگر اے مولیٰ
داغ سے پاک مرا دامنِ عصیاں کر دے
Tera Ahsan hai gunahgar magar ae molah
Daagh se pak mera daman-e-isyan kar de
Share This Naat
Share with friends and family
یا الٰہی دلِ مسلم کو فروزاں کر دے
احسن اعظمی