کیوں نہ پُھوٹے مری رگ رگ سے اُجالا تیرا
اوڑھ رکّھا ہے مِرے جسم نے سایا تیرا
Kyun na Phooṭe meri rag rag se ujala tera
Oṛh rakha hai mere jism ne saya tera
لگ گئی ہیں مرے چہرے پہ ہزاروں آنکھیں
پڑ گیا جب سے مرے ذہن پہ پردا تیرا
Lag gayi hain mere chehre pe hazaron aankhen
Paṛ gaya jab se mere zehan pe parda tera
رشک کرتی ہیں زمانے کی ہوائیں مُجھ پر
میری شمعوں کو لیے پھرتا ہے جھونکا تیرا
Rashk karti hain zamane ki hawayen mujh par
Meri shamon ko liye phirta hai jhonka tera
کوئی آہٹ مجھے گمراہ نہیں کر سکتی
ثبت ہر سانس پہ ہے نقشِ کفِ پا تیرا
Koi aahat mujhe gumrah nahi kar sakti
Sabt har saans pe hai naqsh-e-kaf-e-pa tera
تشنگی ، جب تری رحمت کو صدا دیتی ہے
مرے ہونٹوں سے لپٹ جاتا ہے دریا تیرا
Tishnagi, jab teri rehmat ko sada deti hai
Mere honṭo se lipṭ jata hai darya tera
مَیں نے چاہا تجھے ، یہ بھی ہے نوازش تیری
ورنہ ہر ایک کو صدقہ نہیں مِلتا تیرا
Main ne chaha tujhe, ye bhi hai nawazish teri
Warna har aik ko sadqa nahi milta tera
میری حیثیتِ اظہارِ محبّت کیا ہے
چاند مشتاق تِرا ، ابر بھی پیاسا تیرا
Meri haisiyat-e-izhar-e-mohabbat kya hai
Chaand mushtaq tera, abr bhi pyaasa tera
عرشِ اعظم کی یہ تصویر بنا سکتا ہے
روضہ دیکھا ہے مظفؔر نے بھی آقا تیرا
Arsh-e-Azam ki ye tasweer bana sakta hai
Roza dekha hai muzaffar ne bhi aqa tera
Share This Naat
Share with friends and family
کیوں نہ پُھوٹے مری رگ رگ سے اُجالا تیرا
مظفر وارثی