یہ کس کی تشریف آوری پر بہار مژدہ سنا گئی ہے
زمیں تو کیا کائنات ساری جوارِ رحمت میں آگئی ہے
Yeh kis ki tashreef aawri par bahar mushda suna gayi hai
Zameen to kya kainaat saari jawaar-e-rehmat mein aa gayi hai
انا مُحمد“ صدائے حق تھی تمام ارض و سما میں گونجی
ہر اک زمانے کی رُوح بن کر ہر اک زمانے پہ چھا گئی ہے
Ana Muhammad" sada-e-Haq thi, tamaam arz-o-sama mein goonji
Har ek zamane ki rooh ban kar, har ek zamane pe chha gayi hai
وہ اک کرن جو حرا سے پھُوٹی ہر اُمتّی کا نصیب بن کر
نظر نظر میں اُتر گئی ہے نفس نفس میں سما گئی ہے
Woh ek kiran jo Hira se phooti, har ummati ka naseeb ban kar
Nazar nazar mein utar gayi hai, nafas nafas mein sama gayi hai
وہ شمعِ لاہوت کا اُجالا نہ جس کا سایہ نہ جس کا ہالا
وہ روشنی عرش سے اُتر کر دلوں کی وسعت پہ چھا گئی ہے
Woh shama-e-lahoot ka ujala na jis ka saaya na jis ka haala
Woh roshni arsh se utar kar, dilon ki wusat pe chha gayi hai
شجر، حجر، مہر و ماہ ، تارے اُنہیںؐ کے نقشِ قدم ہیں سارے
فلک تو پہلے ہی زیرِ پا تھا زمیں بھی قدموں میں آگئی ہے
Shajar, hajar, mehr o maah, taare unheen ke naqsh-e-qadam hain saare
Falak to pehle hi zer-e-paa tha, zameen bhi qadmon mein aa gayi hai
نظر حدُودِ نظر سے آگے‘ قدم زمان و مکاں سے باہر
کُچھ اس ادا سے وہ ذاتِ اقدس بسوئے عرشِ علیٰ گئی ہے
Nazar hadood-e-nazar se aage, qadam zaman o makaan se baahir
Kuch is ada se woh zaat-e-aqdas baswaye arsh-e-alaa gayi hai
حریمِ دل سے زباں پہ آئی تو سب نے کی میری ہمنوائی
چہار جانب جہاں جہاں تک صدائے صلِّ علیٰ گئی ہے
Hareem-e-dil se zabaan pe aayi to sab ne ki meri ham nawaai
Chahar janib jahan jahan tak sada-e-salli alaa gayi hai
درِ نبیؐ پر کھڑا ہُوا ہُوں خُدا سے کچھ مانگنے کی خاطر
مُجھے یہ محسوس ہو رہا ہے اثر کو لے کر دُعا گئی ہے
Dar-e-Nabi par khara hua hoon, Khuda se kuch maangne ki khaatir
Mujhe yeh mehsoos ho raha hai asar ko le kar dua gayi hai
خوشا کہ کہنے لگی ہے دُنیا غلامِ شاہِؐ مدینہ مُجھ کو
زہے مقّدر یہ سرفرازی جو میرے حصّے میں آ گئی ہے
Khusha ke kehne lagi hai duniya ghulaam-e-Shaah-e-Madina mujhe
Zahe muqaddar yeh sarfarazi jo mere hisse mein aa gayi hai
Share This Naat
Share with friends and family
یہ کس کی تشریف آوری پر بہار مژدہ سنا گئی ہے
حنیف اسعدی