کیا مرتبہ بیاں ہو رسالت مآبؐ کا
کیسے حساب ہو کرمِ بے حساب کا
Kya martaba bayaan ho risaalat maabؐ ka
Kaise hisaab ho karam-e-be-hisaab ka
پیشِ نظر ہے قبلِ نبّوت کی زندگی
دیباچہ پڑھ رہا ہوں خدا کی کتاب کا
Pesh-e-nazar hai qabl-e-nabuwat ki zindagi
Deebacha parh raha hoon Khuda ki kitaab ka
ہر دَور ہر دیار ہے جس کے محیط میں
قرآں وہ معجزہ ہے رسالت مآبؐ کا
Har daur har diyar hai jis ke muhiit mein
Qur'an wo mojza hai risaalat maabؐ ka
ہر لحظہ سامنے ہیں مدینے کے بام و در
میں اور کیا بتاؤں سبب اضطراب کا
Har lahza samne hain madine ke baam o dar
Main aur kya bataun sabab iztirab ka
ہم سے کہیں زیادہ ہے اُنؐ کو ہماری فکر
ہم کو تو خوف تک نہیں روزِ حساب کا
Hum se kahin zyada hai unؐ ko hamari fikr
Hum ko to khauf tak nahi roz-e-hisaab ka
مجھ سے گناہگار پہ رحمت حضوؐر کی
ذرّے کا ہے نصیب کرم آفتاب کا
Mujh se gunaahgar pe rehmat huzoorؐ ki
Zarray ka hai naseeb karam aaftaab ka
آقاؐ ہمارے دورِ جہالت پہ بھی نظر
پھر حال ہے خراب جہانِ خراب کا
Aaqaؐ hamare daur-e-jahalat pe bhi nazar
Phir haal hai kharab jahan-e-kharab ka
قدموں میں منہ چھپانے کو آیا ہے اک غلام
آقاؐ سلام لیجئے چشمِ پُر آب کا
Kadmo'n mein munh chhupane ko aaya hai ik ghulam
Aaqaؐ salaam lijiye chashm-e-pur aab ka
پیشِ خدا چلو تو چلو اس طرح حنیفؔ
چمکے جبیں پہ نقش درِ مستجاب کا
Pesh-e-Khuda chalo to chalo is tarah Hanifؔ
Chamke jabeen pe naqsh dar-e-mustajaab ka
Share This Naat
Share with friends and family
کیا مرتبہ بیاں ہو رسالت مآبؐ کا
حنیف اسعدی