کررہے ہیں اِس جہاں میں جس کی ہم مدح و ثنا
شافعِ روزِ جزا ہے وہ حبیبِؐ کبریا
Kar rahe hain is jahan mein jis ki hum madah o sana
Shafi' e roz e jaza hai woh habib eﷺ kibria
چہرہِ انور کے گر ہو رُو بُرو ماہِ تمام
وہ بھی اِک سائل ہی لگتا ہے تمہارا دِلربا
Chehra e anwar ke gar ho ro baru mah e tamam
Woh bhi ik sa'il hi lagta hai tumhara dilruba
تیری چشمانِ کرم میں جھانک لے گر زندگی
پھر کہاں شکوے دکھوں کے پھر کہاں خوفِ قضا
Teri chashman e karam mein jhaank le gar zindagi
Phir kahan shikwe dukhon ke phir kahan khauf e qaza
تیرے اُبرو کے اشارے کی یہ کیسی شان ہے
مال و دولت عقل و دانش سب ہوئے اُس پر فدا
Tere abroo ke ishaare ki yeh kaisi shaan hai
Maal o dolat aql o danish sab hue us par fida
تیرے لب ہائے مبارک گر ہلیں تو یوں لگے
ہو گیا موسم سہانا جم کے برسے گی گھٹا
Tere lab haa'e mubarak gar hilen to yun lage
Ho gaya mausam suhana jam ke barse gi ghata
تیرے دل میں گر خیال آجائے قبلہ اور ہو
تیرے رـب کا فیصلہ بھی یہ ہے ’’جو تیری رضا‘‘
Tere dil mein gar khayal aajaye qibla aur ho
Tere rab ka faisla bhi yeh hai ''jo teri raza''
تیرا سینہ ہے امانت گاہِ ذاتِ کبریا
مخزنِ علم و یقیں ہے مرکزِ صدق و صفا
Tera seena hai amanat gah e zaat e kibria
Makhzan e ilm o yaqeen hai markaz e sidq o safa
تیرے ہر اِک لفظ پہ واری جبینِ علم ہے
اِس فصاحت اِس بلاغت کا نہیں کوئی سرا
Tere har ik lafz pe waari jabeen e ilm hai
Is fasahat is balaghat ka nahin koi sara
رُک گیا پائوں کی ٹھوکر سے اُحد کا زلزلہ
اب بھی لیکن کفر پہ لرزا ہے تیرے رُعب کا
Ruk gaya paon ki thokar se Uhud ka zalzala
Ab bhi lekin kufr pe larza hai tere raub ka
تیرے اندازِ محبت کی جو پالے اِک جھلک
جانبِ دنیا قدم اُس کے اٹھیں کیسے بھلا
Tere andaaz e mohabbat ki jo paale ik jhalak
Janib e duniya qadam us ke uttein kaise bhala
ہے تمہاری سوچ کی وسعت شہا اُس اوج پر
جس کے آگے عقل خم ہر فکر کا سر جھک گیا
Hai tumhari soch ki wusat shaha us oaj par
Jis ke aage aql kham har fikr ka sar jhuk gaya
عجز تیرا ہے دہر میں ایک ایسا آستاں
جس پہ ہر اِک شوکت و سطوت کو جھکنا ہی پڑا
Ajz tera hai dahr mein ik aisa aastan
Jis pe har ik shaukat o satwat ko jhukna hi para
خُلق تیرے کی بدولت ہیں عدو بھی دم بخود
حیرتوں میں گم رہے گی تاابد خلقِ خدا
Khulq tere ki badolat hain adu bhi dam bakhud
Hairaton mein gum rahe gi ta abad khalq e Khuda
تیرا ہر اک فیصلہ ہے آگہی کا بابِ نو
بعد جس کے ہو گیا آغازِ دورِ اِرتقا
Tera har ek faisla hai aagahi ka bab e no
Ba'ad jis ke ho gaya aghaz e dor e irtiqa
بزم تیری میں وقارِ خامشی محوِ درود
ہے دلوں کی گفتگو میں نیّتوں کی بس صدا
Bazm teri mein waqar e khamoshi mehve darood
Hai dilon ki guftagu mein niyyaton ki bas sada
تیری آمد پر کہا ہر اک جہاں نے جھوم کر
یا نبیؐ یا مصطفیٰؐ صد مرحبا صد مرحبا
Teri aamad par kaha har ek jahan ne jhoom kar
Ya nabiﷺ ya Mustafaﷺ sad marhaba sad marhaba
کیا ملے گا پڑھ کے دیکھو تو سہی اُن پر درود
پتھروں کے بدلے جو دیتے رہے سب کو دعا
Kya mile ga parh ke dekho to sahi un par darood
Pattharon ke badle jo dete rahe sab ko dua
در نبیؐ کا سائبانِ عفو و رحمت ہے شکیلؔ
مل رہاہے سب وہیں سے وہ مری کانِ عطا
Dar nabiﷺ ka sa'iban e afoo o rehmat hai Shakeelؔ
Mil raha hai sab wahin se woh meri kan e ata
Share This Naat
Share with friends and family
کررہے ہیں اِس جہاں میں جس کی ہم مدح و ثنا
محمد شکیل نقشبندی