حبیبِ رب العُلیٰ محمدؐ، درود ان پر سلام ان پر
شفیعِ روزِ جزا محمدؐ، درود ان پر سلام ان پر
Habib-e-Rabb al-Ula Muhammadؐ, durood un par salam un par
Shafi'e roz-e-jaza Muhammadؐ, durood un par salam un par
خوفِ محشر بھی ہے مسلط مگر ہے دل کو یہی تسلی
مرا تو ہیں آسرا محمدؐ، درود ان پر سلام ان پر
Khauf-e-mahshar bhi hai musallat magar hai dil ko yehi tasalli
Mera to hain aasra Muhammadؐ, durood un par salam un par
وہ نامِ نامی جو لب پہ آیا، مسرتوں نے گلے لگایا
زباں سے جب بھی کہا محمدؐ، درود ان پر سلام ان پر
Wo naam-e-naami jo lab pe aaya, musarraton ne gale lagaya
Zuban se jab bhi kaha Muhammadؐ, durood un par salam un par
دلوں میں ان کی رچی محبت، تبھی دلوں کی ہر ایک دھڑکن
یہ دے رہی ہے صدا محمدؐ، درود ان پر سلام ان پر
Dilon mein un ki rachi mohabbat, tabhi dilon ki har ek dhadkan
Ye de rahi hai sada Muhammadؐ, durood un par salam un par
وہ کون یکتا ہے کل جہاں میں، کہ جس کا ثانی نہیں جہاں میں
تو غیر نے بھی کہا محمدؐ، درود ان پر سلام ان پر
Wo kaun yakta hai kal jahan mein, ke jis ka saani nahi jahan mein
To gher ne bhi kaha Muhammadؐ, durood un par salam un par
ملا ہے جو بھی جسے بھی جب بھی، ملا ہے سب کو انہی کے صدقے
ہیں میرے رب کی عطا محمدؐ، درود ان پر سلام ان پر
Mila hai jo bhi jise bhi jab bhi, mila hai sab ko inhi ke sadqe
Hain mere Rab ki ata Muhammadؐ, durood un par salam un par
مریضِ رنج و الم سے کہہ دو، شفا ملے گی انہی کے در سے
کہ ہر مرض کی دوا محمدؐ، درود ان پر سلام ان پر
Mareez-e-ranj o alam se keh do, shifa mile gi inhi ke dar se
Ke har marz ki dawa Muhammadؐ, durood un par salam un par
سبھی گنہ گار مطمئن ہیں، کہ سر شفاعت کا تاج پہنے
ہوئے ہیں جلوہ نما محمدؐ، درود ان پر سلام ان پر
Sabhi gunaahgaar mutma'in hain, ke sar shafa'at ka taj pehne
Huwe hain jalwa numa Muhammadؐ, durood un par salam un par
وہ نام ایسا ہے کیف آور، کہ روح سرشار ہو گئی ہے
ہر ایک دل کی صدا محمدؐ، درود ان پر سلام ان پر
Wo naam aisa hai kaif aawar, ke rooh sarshar ho gayi hai
Har ek dil ki sada Muhammadؐ, durood un par salam un par
جلیل وقتِ قضا جو آئے، تو اپنے ہونٹوں پہ اس گھڑی بھی
ہو ذکر خیرالوری محمدؐ، درود ان پر سلام ان پر
Jaleel waqt-e-qaza jo aaye, to apne honton pe us ghari bhi
Ho zikr Khair ul Wara Muhammadؐ, durood un par salam un par
Share This Naat
Share with friends and family
حبیبِ رب العُلیٰ محمدؐ
حافظ عبدالجلیل