محمد دوسرا کوئی نہیں ہے
نہیں ہے آپ سا کوئی نہیں ہے
Muhammad dosra koi nahi hai
Nahi hai aap sa koi nahi hai
مکاں سے لامکاں تک انکے جلوے
ولیکن دیکھتا کوئی نہیں ہے
Makaan se la-makaan tak unke jalwe
Walikan dekhta koi nahi hai
میرے سب کچھ ہیں سلطان مدینہ
مرا ان کے سوا کوئی نہیں ہے
Mere sab kuch hain Sultan-e-Madina
Mera unke siwa koi nahi hai
طبیبو! لے چلو مجھ کو مدینے
یہاں میری دوا کوئی نہیں ہے
Tabibo! le chalo mujh ko Madine
Yahan meri dawa koi nahi hai
در محبوب پر پاس ادب سے
زباں سے بولتا کوئی نہیں ہے
Dar-e-mahboob par paas-e-adab se
Zaban se bolta koi nahi hai
یہاں کرتے ہیں آنسو التجائیں
کسی لب پر دعا کوئی نہیں ہے
Yahan karte hain aansu iltijayen
Kisi lab par dua koi nahi hai
کسے ڈھونڈوں میں شہر مصطفے میں
مجھے اپنا پتہ کوئی نہیں ہے
Kise dhoondhun main shehr-e-Mustafa mein
Mujhe apna pata koi nahi hai
یہ اُن کی موج ہے جتنا نوازیں
مقدر سے گلہ کوئی نہیں ہے
Yeh un ki mauj hai jitna nawazein
Muqaddar se gila koi nahi hai
ہوں ان کی دید کا مشتاق میں بھی
مری اور التجا کوئی نہیں ہے
Hoon unki deed ka mushtaq main bhi
Meri aur iltija koi nahi hai
جو ہم جیسے نکموں سے نبھائے
بجز تیرے شہا! کوئی نہیں ہے
Jo hum jaise nikammon se nibhaye
Bajaz tere shaha! koi nahi hai
نیازی ٹھوکریں کھاتے پھرو گے
جو اُن سے واسطہ کوئی نہیں ہے
Niazi thokarein khate phiro ge
Jo un se wasta koi nahi hai
Share This Naat
Share with friends and family
محمد دوسرا کوئی نہیں ہے
عبدالستار نیازی