بھرے ہیں گھاؤ مرے جب لیا ہے آپ کا نام
مرے نصیب کی گویا شفا ہے آپ کا نام
bhare hain ghaao mere jab liya hai aap ka naam
mere nasib ki goya shifa hai aap ka naam
لکھا ہے قلب کی تختی پہ اس لئے میں نے
’’میں جانتا ہوں کہ سِرِ بقا ہے آپ کا نام‘‘
likha hai qalb ki takhti pe is liye maine
''main jaanta hoon ke sir-e baqa hai aap ka naam''
لیا جو نامِ محمد تو ہونٹ فورًا ہی
ملے ہیں شوق سے چوما گیا ہے آپ کا نام
liya jo naam-e Muhammad to honth foran hi
mile hain shauq se chuma gaya hai aap ka naam
گِھرا تھا میں جو بھنور میں تو میری آہ و فغاں
سنی خدا نے وسیلہ بنا ہے آپ کا نام
ghira tha main jo bhanwar mein to meri aah o fghaan
suni Khuda ne waseela bana hai aap ka naam
ہوا جو آپ کی بابت سوال تربت میں
کرم ہوا کہ زباں نے لیا ہے آپ کا نام
hua jo aap ki baabat sawal turbat mein
karam hua ke zabaan ne liya hai aap ka naam
چلی جو بات شفاعت کی حشر میں آقا !
تو انبیا و رُسُل نے چُنا ہے آپ کا نام
chali jo baat shafaat ki hashr mein aaqa !
to anbiya o rusul ne chuna hai aap ka naam
درود آپ پہ پڑھتا ہے خود خدا چونکہ
اسے فنا نہیں یعنی بقا ہے آپ کا نام
darood aap pe parhta hai khud Khuda chun` ke
usse fana nahi yaani baqa hai aap ka naam
مہک حرا کی سی رہتی ہے میری سانسوں میں
دلِ جلیل پہ جب سے سجا ہے آپ کا نام
mahak Hira ki si rahti hai meri saanson mein
dil-e jaleel pe jab se saja hai aap ka naam
Share This Naat
Share with friends and family
بھرے ہیں گھاؤ مرے جب
حافظ عبدالجلیل