راہِ عرفاں سے جو ہم نادیدہ رو محرم نہیں
مصطفٰے ہے مَسندِ ارشاد پر کچھ غم نہیں
Raah-e-‘irfaan se jo hum na-deedah ro mehram nahin
Mustafa hai masnad-e-irshaad par kuch gham nahin
ہُوں مسلماں گرچہ ناقِص ہی سہی اے کامِلو!
ماہیت پانی کی آخر یَم سے نَم میں کم نہیں
Hoon Musalmaan garchay naaqis hi sahi ae kaamilo!
Maahiyat paani ki aakhir yam se nam mein kam nahin
غنچے مَا اَوْحٰی کے جو چٹکے دَنٰی کے باغ میں
بلبلِ سدرہ تک اُن کی بُو سے بھی محرم نہیں
Ghunche maa awhaa ke jo chutkay danaa ke baagh mein
Bulbul-e-sidrah tak un ki boo se bhi muharram nahin
اُس میں زم زم ہے کہ تھم تھم اس میں جم جم ہے کہ بیش
کثرتِ کوثر میں زم زم کی طرح کم کم نہیں
Us mein Zam Zam hai ke tham tham, us mein Jam Jam hai ke baish
Kasrat-e-Kausar mein Zam Zam ki tarah kam kam nahin
پنجۂ مہر عرب ہے جس سے دریا بہہ گئے
چشمۂ خورشید میں تو نام کو بھی نم نہیں
Panjah-e-mehr-e-Arab hai jis se daryaa beh gaye
Chashma-e-khurshid mein to naam ko bhi nam nahin
ایسا اُمّی کس لئے منت کشِ اُستاد ہو
کیا کفایت اس کو اِقْرَأ رَبُّکَ الْاَکْرَمْ نہیں
Aisa ummi kis liye munt-kash-e-ustaad ho
Kya kafaayat us ko Iqra’ Rabbukal Akram nahin
اَوس مہرِ حَشْر پر پڑ جائے پیاسو تو سہی
اُس گلِ خنداں کا رونا گریۂ شبنم نہیں
Aus mehr-e-hashr par par jaaye pyaaso to sahi
Us gul-e-khandaan ka rona, giryah-e-shabnam nahin
ہے اُنھیں کے دم قدم کی باغِ عالم میں بہار
وہ نہ تھے عالم نہ تھا گر وہ نہ ہوں عالَم نہیں
Hai unhi ke dam qadam ki baagh-e-‘aalam mein bahaar
Woh na thay ‘aalam na tha, gar woh na hon ‘aalam nahin
سایۂ دیوار و خاکِ دَر ہو یاربّ اور رضاؔ
خواہشِ دَیْہِیْمِ قیصر، شوقِ تخت جم نہیں
Saayah-e-deewaar o khaak-e-dar ho Ya Rabb aur Raza
Khwahish-e-dayhim-e-Qaiser, shauq-e-takht-e-Jam nahin
Share This Naat
Share with friends and family
راہِ عرفاں سے جو ہم نادیدہ رو محرم نہیں
احمد رضا خان بریلوی