ایسی روشنی دیکھی، ایسا راستہ پایا
عمر کے خزانوں سے جو نہ پا سکا پایا
Aisi roshni dekhi, aisa rasta paya
Umar ke khazanon se jo na pa saka paya
ہم نے اُن کے دریا پر یہ نظارہ دیکھا ہے
پار بھی وہی اترا جس کو ڈوبتا پایا
Hum ne un ke darya par ye nazara dekha hai
Paar bhi wohi utra jis ko doobta paya
جب تلاش میں ان کی کوئے ذات سے نکلے
کائنات کو ہم نے راہ میں پڑا پایا
Jab talash mein un ki koe zāat se nikle
Kainat ko hum ne raah mein pada paya
رفعتوں کے میلے میں لے گئی نظر مجھ کو
اُن کے پاؤں پر رکھ کرٗ سر نہ میں اٹھا پایا
Rif’aton ke mele mein le gayi nazar mujh ko
Un ke paaon par rakh kar sar na mein uthha paya
میرے آنسوؤں کی بھی آپ نے صدا سن لی
ہاتھ بھی نہ پھیلائے اور مدعا پایا
Mere aansuon ki bhi aap ne sada sun li
Haath bhi na phailaye aur mud’ua paya
جس خدا نے بخشا ہے مصطفؐےٰ سا پیغمبر
مصطفؐےٰ کے صدقے میں ہم نے وہ خدا پایا
Jis Khuda ne bakhsha hai Mustafā (SAW) sa paighambar
Mustafā (SAW) ke sadqe mein hum ne woh Khuda paya
منفرد ہے ذات انکی معجزہ حیات انکی
چاند ٹوٹتے دیکھا ، سنگ بولتا پایا
Munfarid hai zaat unki mujiza hayat unki
Chaand toot’te dekha, sang bolta paya
سب حضورؐ عالی کا ہے کرم مظفر پر
حبس میں چلے جھونکے دھوپ کو گھٹا پایا
Sab Huzur (SAW) Aali ka hai karam Muzaffar par
Habs mein chale jhonke dhoop ko ghata paya
Share This Naat
Share with friends and family
ایسی روشنی دیکھی، ایسا راستہ پایا
مظفر وارثی