بختِ سیاہ جب درِ عالی پہ رکھ دِیا
سُورج اُنھوں نے دستِ سوالی پہ رکھ دیا
Bakht-e-siyah jab dar-e-aali pe rakh diya
Sooraj unho ne dast-e-sawaali pe rakh diya
آنکھیں بکھیر آیا ہُوں روضے کے ہر طرف
لیکن خیال روضے کی جالی پہ رکھ دِیا
Aankhein bakhair aaya hoon rozay ke har taraf
Lekin khayaal rozay ki jaali pe rakh diya
لبریز کر گیا مجھے کون اپنے پیار سے
یہ کِس نے ہونٹ دل کی پیالی پہ رکھ دِیا
Labreyz kar gaya mujhe kon apne pyaar se
Yeh kis ne hont dil ki pyaali pe rakh diya
مانگے تھے مَیں نے آپ سے رحمت کے چند پھُول
سارا چمن دُعاؤں کی ڈالی پہ رکھ دِیا
Maange the main ne aap se rehmat ke chand phool
Saara chaman duaaon ki daali pe rakh diya
مُجھ کو بٹھا یا جانبِ ساحل کی ناؤ پر
بارِ گُناہ ڈُوبنے والی پہ رکھ دِیا
Mujh ko bitha ya janib-e-saahil ki nao par
Baar-e-gunaah doobne waali pe rakh diya
لِکھنے چلا جو نعت ، تو میرے حضور نے
لفظوں کا ڈھیر ذہن کی تھالی پہ رکھ دِیا
Likhne chala jo naat, to mere huzoor ne
Lafzon ka dher zehan ki thaali pe rakh diya
آہنگِ نَو میں نعتِ مظفّر نہ کیوں کہے
کھِلتا شعور خُشک خیالی پہ رکھ دِیا
Aahang-e-nau mein naat-e-muzaffar na kyun kahe
Khilta shaoor khushk khayaali pe rakh diya
Share This Naat
Share with friends and family
بختِ سیاہ جب درِ عالی پہ رکھ دِیا
مظفر وارثی