دلدار جے راضی ہوجاوے دنیا نوں مناؤن دی لوڑ نئیں
دکھ یار نوں دسنا کافی اے غیراں نوں سناؤن دی لوڑ نئیں
Dildar je raazi hojave dunia noon manaun di lor nain
Dukh yaar noon dasna kaafi ae ghairan noon sanaun di lor nain
دکھ یار دا دارو درداں دا، جوں جوں ودھدا تے سُکھ ملدا
جد یار دے غم دا زخم لگے، فیر مرہم لاؤن دی لوڑ نئیں
Dukh yaar da daaru dardan da, youn youn vadhda te sukh milda
Jad yaar de gham da zakham lage, fair marham lauan di lor nain
جند نکلے یار دے قدماں وچہ، ایمان مکمل ہوجاوے
جنہوں ہتھیں مرشد ٹور دیوے، اوہنوں راہ سمجھاؤن دی لوڑ نئیں
Jand nikle yaar de kadman wichah, imaan mukammal hojave
Jinuhan hatheean murshid tor deve, ohnoon raah samjhaun di lor nain
زاہد کیہہ متّاں دینا ایں، مت ماری تیری عقلاں نے
جس تکیاں اکھیاں یار دیاں، اوہنوں سبق پڑھاؤن دی لوڑ نئیں
Zahid kehh mattan deyna ain, matt maari teri aqlaan ne
Jis takiyan akkhiyaan yaar diyaan, ohnoon sabaq parhaun di lor nain
نیڑے ہووے یا دور ہووے آقا دی نظر منظور ہووے
جیہڑا مر جائے یار دے قدماں وچہ محشر نوں اٹھاؤن دی لوڑ نئیں
Nere hovay ya door hovay aaqa di nazar manzoor hovay
Jehda mar jaye yaar de kadman wichah mahshar noon uthhaun di lor nain
ناں لے کے ظہوریؔ سوہنے دا ہر مشکل حل ہوجاندی اے
اک ناں دا وظیفہ چھڈ کے تے، کوئی سبق پکاؤن دی لوڑ نئیں
Naan le ke Zahoori sohnay da har mushkil hal ho jandi ae
Ik naan da wazifa chad ke te, koi sabaq pakaun di lor nain
Share This Naat
Share with friends and family
دلدار جے راضی ہوجاوے دنیا نوں مناؤن دی لوڑ نئیں
محمد علی ظہوری