اس طرف بھی شاہِ والا، بندہ پرور ، دیکھئے
سخت مشکل میں گھرے ہیں تیرے نوکر دیکھئے
Is taraf bhi Shah-e-Wala, Banda Parwar, dekhiye
Sakht mushkil mai ghire hain tere naukar dekhiye
یا رسول اللہ ! رحمت کی نظر کا ہے سوال
آیا ہے فریاد لے کر در پہ کمتر دیکھئے
Ya Rasool Allah! Rehmat ki nazar ka hai sawal
Aaya hai faryaad le kar dar pe kamtar dekhiye
آپ منگتوں کے سدا دامان بھرتے ہیں شہا
آپ کے ہوتے ہوئے غیروں کو کیونکر دیکھئے
Aap mangton ke sadaa daaman bharte hain Shaha
Aap ke hote huye gheron ko kyunkar dekhiye
بھیک لینے آ گئے شاہ و گدا دربار میں
ہم بھی ہیں کشکول تھامے میرے سرور ! دیکھئے
Bheek lene aa gaye Shah o Gada darbaar mai
Hum bhi hain kashkol thaame mere Sarwar! dekhiye
دو جہاں پر آپ کی رحمت ہوئی سایہ فگن
میرے آقا رحمتِ حق کا ہیں مظہر دیکھئے
Do jahan par aap ki rehmat hui saaya fagan
Mere aaqa rehmat-e-Haq ka hain mazhar dekhiye
شافعِ محشر سے ملتا ہے وفاؤں کا صلہ
اب لوائے حمد کا سایہ ہے سر پر دیکھئے
Shaafi-e-Mahshar se milta hai wafaon ka sila
Ab lawa-e-Hamd ka saaya hai sar par dekhiye
گنبدِ خضرا زمیں پر اک نگینہ ہے جلیل
کیا ہی آب و تاب ہے کیا خوب منظر دیکھئے
Gunbad-e-Khazra zameen par ek nageena hai Jaleel
Kya hi aab o taab hai kya khoob manzar dekhiye
Share This Naat
Share with friends and family
اس طرف بھی شاہِ والا
حافظ عبدالجلیل