تو جو میرا نہ رہنما ہوتا
کوئی منزل نہ راستہ ہوتا
Tu jo mera na rahnuma hota
Koi manzil na rasta hota
ہم کو صحرا نگل گئے ہوتے
گر نہ رہبر وہ نقشِ پا ہوتا
Hum ko sehra ngl gaye hote
Gar na rehbar woh naqsh-e-pa hota
غم زمانے کے مار ہی دیتے
گر تمہارا نہ آسرا ہوتا
Gham zamane ke maar hi dete
Gar tumhara na aasra hota
اذن پاتے ہی جسم سے پہلے
دل مدینے کو جا چکا ہوتا
Izn paate hi jism se pehle
Dil Madine ko ja chuka hota
شوق میرا اڑان یوں بھرتا
تیرے قدموں میں جا گرا ہوتا
Shoq mera uran yun bharta
Tere kadmo mein ja gira hota
رات کتنی حسین ہو جاتی
خواب ہی میں تو آگیا ہوتا
Raat kitni haseen ho jati
Khawab hi mein to agaya hota
دن بھی میرا نکھر نکھر جاتا
رات یادوں میں جاگتا ہوتا
Din bhi mera nikhar nikhar jata
Raat yadon mein jagta hota
میرا مرنا بھی سہل ہو جاتا
تو دمِ نزع آ گیا ہوتا
Mera marna bhi sehl ho jata
Tu dam-e-naz' a agaya hota
عمر یوں ہی تمام ہو جاتی
نوری وقفِ ثنا رہا ہوتا
Umar yun hi tamam ho jati
Noori waqf-e-sana raha hota
Share This Naat
Share with friends and family
تو جو میرا نہ رہنما ہوتا
محمد ظفراقبال نوری