عالم کی ابتداء بھی ہے تُو ‘ انتہا بھی تُو
سب کچھ ہے تُو ‘ مگر ہے کچھ اِس کے سوا بھی تُو
Alam ki ibtida bhi hai tu ' inteha bhi tu
Sab kuch hai tu ' magar hai kuch is ke siwa bhi tu
تُو اک بشر بھی اور خدا کا حبیب بھی
نورِ خدا بھی تو ہے ‘ خدا کا پتا بھی تو
Tu ik bashar bhi aur khuda ka habib bhi
Noor-e-khuda bhi tu hai ' khuda ka pata bhi tu
کندہ درِ ازل پہ ترا اسمِ پاک تھا
قصرِ ابد میں گونجنے والی صدا بھی تُو
Kunda dar-e-azal pe tera ism-e-pak tha
Qasr-e-abad mein goonjne wali sada bhi tu
فردا و حال و ماضئ انساں یہی تو ہے
تُو ہی تُو ہوگا ‘ تُو ہی تو ہے اور تھا بھی تُو
Farda o haal o mazi insaan yehi tu hai
Tu hi tu hoga ' tu hi tu hai aur tha bhi tu
تُو صرف ایک ذات ہے یا پوری کائنات
دل میں بھی تُو ہی تُو ہے ‘ مگر جا بجا بھی تُو
Tu sirf ek zaat hai ya poori kainaat
Dil mein bhi tu hi tu hai ' magar ja baja bhi tu
یوں تو مرے ضمیر کا مسند نشیں بھی ہے
لیکن ہے شش جہات میں جلوہ نما بھی تُو
Yun to mere zameer ka masnad nasheen bhi hai
Lekin hai shash jahaat mein jalwa numa bhi tu
تُو میرا آسماں بھی ‘ مری کہکشاں بھی ہے
میری قبا بھی تُو ‘ مرا چاکِ قبا بھی تُو
Tu mera aasman bhi ' meri kehkashan bhi hai
Meri qaba bhi tu ' mera chaak-e-qaba bhi tu
تُو مِیرِ کارواں بھی ہے ‘ سمتِ سفر بھی ہے
میرا امام بھی ‘ مرا قبلہ نما بھی تُو
Tu meer-e-karwan bhi hai ' simt-e-safar bhi hai
Mera imam bhi ' mera qibla numa bhi tu
صرف ایک ترا نام ہے وردِ زباں مدام
میری دعا بھی تُو ہے ‘ مرا مدعا بھی تُو
Sirf ek tera naam hai word-e-zuban madam
Meri dua bhi tu hai ' mera madua bhi tu
جو مَیل دِل پہ تھے ‘ تری رحمت سے ڈھل گئے
بیمارِ گمرہی کو نویدِ شفا بھی تُو
Jo mail dil pe the ' teri rehmat se dhal gaye
Beemar-e-gumrahi ko naveed-e-shifa bhi tu
بدلے ہیں میرے صبح و مسا تُو نے جس طرح
بدلےگا ایک دن مرے اَرض و سما بھی تُو
Badle hain mere subah o masa tu ne jis tarah
Badlega ek din mere arz o sama bhi tu
بے اَجر تیرے در سے نہ پلٹے گی میری نعت
ایک اور نعت کا مجھے دے گا صلہ بھی تُو
Be-ajar tere dar se na palte gi meri naat
Ek aur naat ka mujhe de ga sila bhi tu
Share This Naat
Share with friends and family
عالم کی ابتداء بھی ہے تُو
احمد ندیم قاسمی