مرے لب پر شہِ بطحا کی نعتوں کے ترانے ہیں
بڑا مسرور ہے دل بھی یہ پل کتنے سہانے ہیں
Mere lab par Shah-e-Bat-ha ki naato ke tarane hain
Bara masror hai dil bhi ye pal kitne sahane hain
اُنہی کے ذکر سے ساری بہاریں لوٹ آتی ہیں
بڑی پُر نور گھڑیاں ہیں بڑے رنگیں زمانے ہیں
Unhi ke zikr se sari baharen loot aati hain
Bari por noor ghariya hain bare rangeen zamane hain
یہی چاہت ہے مدت سے کبھی ہو جائے گی آمد
درودِ پاک کے گجروں سے اپنے گھر سجانے ہیں
Yehi chahat hai muddat se kabhi ho jaye gi aamad
Durood-e-Pak ke gjron se apne ghar sajane hain
ازل سے ہی سہارا ہے مجھے آقا کی یادوں کا
خوشا میرے بھی دامن میں محبت کے خزانے ہیں
Azal se hi sahara hai mujhe aqa ki yadon ka
Khusha mere bhi daman mein mohabbat ke khazane hain
انہی کے نام سے ہی نور کی خیرات ملتی ہے
یہ پیارا نام لے کر ہی نصیب اپنے جگانے ہیں
Inhi ke naam se hi noor ki khairat milti hai
Ye pyara naam le kar hi naseeb apne jagane hain
گزر جائے حیاتِ ناز سب آقا کی مدحت میں
عقیدت کے حسیں موتی مجھے چن چن لٹانے ہیں
Guzar jaye hayaat-e-naaz sab aqa ki madhat mein
Aqeedat ke haseen moti mujhe chun chun lutane hain
Share This Naat
Share with friends and family
مرے لب پر شہِ بطحا کی نعتوں کے ترانے ہیں
صفیہ ناز