اوتھے سر عاشق سرکار دا خم ہندا اے
جتھے سرکارِ مدینہ دا قدم ہندا اے
Authay sar ashiq sarkar da kham hunda ae
Jithay sarkar-e-Madina da qadam hunda ae
خُون ڈُھلدا جو شہیداں دا اے دھرتی اُتے
ایہہ تے افسانہ محبت دا رقم ہندا اے
Khoon dhulda jo shaheedan da ae dharti utay
Ay te afsana mohabbat da raqam hunda ae
جو فدا ہندا اے سرکار دے قدماں اتوں
اوس دا نام سر لوح و قلم ہندا اے
Jo fida hunda ae sarkar de qadam'an uton
Os da naam sar loh'ah o qalam hunda ae
سارے عالم چ ابدی مثل نہیں ملدی کدھرے
جناں آقا دے مدینے چ کرم ہندا اے
Saray alam ch abdi misl nahi mildi kitharay
Jinan aaqa de Madina ch karam hunda ae
درد مہجور مدینہ دا مدینے جا کے
ہور ودھ جاندا اے دو گھڑیاں جے کم ہندا اے
Dard mehjur Madina da Madina ja ke
Hor vadh janda ae do ghariyan je kum hunda ae
ساہ کیویں اُچا لیا جاوے مدینے اندر
جان وچ جان تے ناں دم چ ہی دم ہندا اے
Saah kiun uch'a liya jaave Madina andar
Jaan vich jaan te naa dam ch hee dam hunda ae
کس طراں آوے خوشی طیبہ چ جا کے صائم
ہر گھڑی جد کہ وچھڑ جان دا غم ہندا اے
Kis taraan aave khushi Tayyiba ch ja ke Sa'im
Har ghari jad ke vichhar jaan da gham hunda ae
Share This Naat
Share with friends and family
اوتھے سر عاشق سرکار دا خم ہندا اے
علامہ صائم چشتی