جنم جنم کے جو پیاسے تھے جام پینے چلے
خوشا نصیب گنہہ گار بھی مدینے چلے
Janam janam ke jo piase the jam peene chale
Khusha naseeb gunah gaar bhi madine chale
پناہِ رحمت ِ عالمؐ کا آسرا لے کر
جنہیں گلے سے لگایا نہیں کسی نے چلے
Panah-e-rehmat-e-aalamؐ ka aasra le kar
Jinhein gale se lagaya nahin kisi ne chale
ہر اک عروج کا حاصل ہے گنبدِ خضریٰ
خدا کے قرب کے سارے یہیں سے زینے چلے
Har ek urooj ka hasil hai gunbad-e-khizra
Khuda ke qurb ke saare yahin se zine chale
شعورِ زیست شعورِ وفا شعورِ ادب
حیاتِ پاکِ محمدؐ سے سب قرینے چلے
Shaoor-e-zeest shaoor-e-wafa shaoor-e-adab
Hayat-e-paak-e-Muhammadؐ se sab qarine chale
کیا ہے ان کا کناروں نے بڑھ کر استقبال
ترے کرم کے بھروسے پہ جو سفینے چلے
Kiya hai un ka kinaaro ne barh kar isteqbaal
Tere karam ke bharose pe jo safeene chale
کرم کریم کا ذمہ ہے ہوگیا ثابت
گدا کو ڈھونڈنے سرکار کے خزینے چلے
Karam kareem ka zimma hai ho gaya sabit
Gada ko dhoondhne sarkar ke khazine chale
تمہارے مصحف ِ رُخ کی تلاوتوں کی قسم
تمہاری زلف کے نسبت سے ہی شبینے چلے
Tumhare mushaf-e-rukh ki talawatun ki qasam
Tumhari zulf ke nisbat se hi shabeene chale
جہاں ہو عشقِ نبی ؐ ظلمتیں نہیں رکتیں ،
حجاب آنکھوں سے اُٹھے دلوں سے کینے چلے
Jahan ho ishq-e-nabiؐ zulmaten nahin ruktiin,
Hijaab aankhon se uthhe dilon se kene chale
بڑا کرم ہے محبت میں چشمِ نم خالدؔ
جواہرات کی قیمت میں یہ نگینے چلے
Bara karam hai mohabbat mein chashm-e-nam Khalidؔ
Jawahraat ki qeemat mein ye nagine chale
Share This Naat
Share with friends and family
جنم جنم کے جو پیاسے تھے جام پینے چلے
خالد محمود خالد