پیشِ مواجہ جود و عطا کی بارش ہوتی رہتی ہے
ہر آنے جانے والے کی بخشش ہوتی رہتی ہے
Pesh-e-muwajah jood o ata ki barish hoti rehti hai
Har anay janay walay ki bakhshish hoti rehti hai
میں ناقص ملتانی مٹی اوجِ فلک چھو سکتا نہیں
پھر بھی قدمینِ آقا کی خواہش ہوتی رہتی ہے
Main naaqis Multani mitti ooj-e-falak choo sakta nahi
Phir bhi qadmein-e-aqa ki khwahish hoti rehti hai
شہرِ مدینہ کی فرقت میں جیون کاہے کا جیون
گاہے دل میں دھڑکن نامی جنبش ہوتی رہتی ہے
Shehar-e-Madina ki furqat mein jeewan kahe ka jeewan
Gahay dil mein dhadkan nami junbish hoti rehti hai
جن کے چہرے پر آ جائے رونق ذکرِ محمد سے
روز فزوں ان کے چہرے کی تابش ہوتی رہتی ہے
Jin ke chehray par aa jaye ronaq zikr-e-Muhammad se
Roz fózun un ke chehray ki tabish hoti rehti hai
اکثر دل بھر بھر آتا ہے شہرِ نبی کی یادوں سے
اکثر ضبطِ اشکِ رواں کی کاوش ہوتی رہتی ہے
Aksar dil bhar bhar ata hai shehar-e-Nabi ki yaadon se
Aksar zabt-e-ashk-e-rawan ki kawish hoti rehti hai
میں بھی گداگر کہلاتا ہوں شاہِ زمن کی چوکھٹ کا
مجھ کو اس ارفع نسبت پر نازش ہوتی رہتی ہے
Main bhi gadagar kehlata hoon Shah-e-zaman ki chaukhat ka
Mujh ko is arfa nisbat par nazish hoti rehti hai
لائقِ نعت لغت میں کوئی لفظ نہیں اشفاق مگر
اہلِ محبت کی جانب سے کوشش ہوتی رہتی ہے
Laiq-e-naat lughat mein koi lafz nahi Ashfaq magar
Ahl-e-mohabbat ki janib se koshish hoti rehti hai
Share This Naat
Share with friends and family
میں بھی گداگر کہلاتا ہوں شاہِ زمن کی چوکھٹ کا
اشفاق احمد غوری