نبی یا نبی کا وظیفہ بہت ہے
سرِ حشر ان کا حوالہ بہت ہے
Nabi ya nabi ka wazeefa bohat hai
sar-e-hashr un ka hawala bohat hai
شہِ دیں کے دریائے جود و سخا کا
مِرے واسطے ایک قطرہ بہت ہے
shah-e-deen ke darya-e-jood o sakha ka
mere wastay aik qatra bohat hai
حقیقت میں بھی آؤں جاؤں مدینہ
تصور میں تو آنا جانا بہت ہے
haqiqat mein bhi aaoon jaoon madina
tasawwur mein to aana jana bohat hai
وہیں چھوٹا موٹا سا مسکن بنا لوں
شہنشاہِ بطحا ! تمنا بہت ہے
waheein chhota mota sa maskan bana loon
shahanshah-e-batha! tamanna bohat hai
لگا لیں رخِ دل پہ بہرِ شفاعت
نبی کی محبت کا غازہ بہت ہے
laga lein rukhe dil pe behr-e-shafaat
nabi ki mohabbat ka gaza bohat hai
درِ مصطفےٰ پر کھلی پھر حقیقت
سمجھتا تھا میں چشمِ بینا بہت ہے
dar-e-Mustafa par khuli phir haqeeqat
samajhta tha mein chashm-e-beena bohat hai
شفیقؔ اس غذا میں ہے روحانیت بھی
مدینے کا بس اک نوالہ بہت ہے
Shafeeq is ghaza mein hai roohaniyat bhi
madine ka bas ik niwala bohat hai
Share This Naat
Share with friends and family
نبی یا نبی کا وظیفہ بہت ہے
شفیق ؔ رائے پوری