بکھرا ہوا پڑا ہوں ٗ دل سے در نبیؐ تک
جانا ہے صرف مجھ کو حیرت سے آگہی تک
Bikhra hua pada hoon, dil se dar-e-Nabi ﷺ tak
Jana hai sirf mujh ko hairat se agahi tak
اوج و کمال سارا حسن و جمال سارا
آئینہء خدا سے عکسِ محمدیؐ تک
Ooj o kamal sara husn o jamal sara
Aaina-e-Khuda se aks-e-Muhammadi ﷺ tak
گر اُن سے واسطہ ہے اک پل کا راستہ ہے
باہر کی تیرگی سے اندر کی روشنی تک
Gar un se wastaa hai, ik pal ka rasta hai
Bahir ki teeragi se andar ki roshni tak
دنیا تھی گدلی گدلی آ کر انہوں نے بدلی
وہ صرف درمیاں ہیں بندے سے بندگی تک
Duniya thi gadli gadli, aa kar unho ne badli
Woh sirf darmiyan hain bande se bandagi tak
تہذیب کے ہیں محسن روشن ہے ان سے باطن
چاپ انکی سایہ اُن کا آدم سے آدمی تک
Tehzeeb ke hain mohsin, roshan hai un se baatin
Chaap unki saya unka Adam se aadmi tak
احسانِ مصطفؐےٰ ہے فیضان مصطفؐےٰ ہے
جلتے ہوئے دیئے سے کھلتی ہوئی کلی تک
Ehsaan-e-Mustafa ﷺ hai, faizaan-e-Mustafa ﷺ hai
Jalte huye diye se khilti hui kali tak
دھوئے ہیں پاپ میرے مالک ہیں آپؐ میرے
دنیا کی زندگی سے عقبیٰ کی زندگی تک
Dhooye hain paap mere, maalik hain aap ﷺ mere
Duniya ki zindagi se uqba ki zindagi tak
اک اور ہی سفر پر نکلے ہیں ہم مظفر
دنیا عبور کر کے پہنچے جو اُس گلی تک
Ik aur hi safar par nikle hain hum Muzaffar
Duniya aboor karke pahunche jo us gali tak
Share This Naat
Share with friends and family
بکھرا ہوا پڑا ہوں ٗ دل سے در نبیؐ تک
مظفر وارثی