مُقدّر کے دھنی ہیں وہ ، مدینے میں جو مرتے ہیں
نصیبے بد نصیبوں کے وہیں جا کر سنورتے ہیں
Muqaddar ke dhani hain wo, madine mein jo marte hain
Naseebe bad naseebon ke wahin ja kar sanwarte hain
غُلامِ مُصطفٰےبھی ہوں،حُسینی بھی دل و جاں سے
تو بُو جہلوں ، یزیدوں سے، کہاں عُشّاق ڈرتے ہیں
Ghulam-e-Mustafa bhi hoon, Husaini bhi dil o jaan se
To bu jehlon, yazeedon se, kahan ushaaq darte hain
مُحمّد کے غُلاموں کی تو رہ میں ہوں اگر دریا
جلا کر کشتیاں اپنی ، وہ دریا میں اُترتے ہیں
Muhammad ke ghulamon ki to rah mein hoon agar darya
Jala kar kishtiyan apni, wo darya mein utarte hain
مُحمّد کے غُلاموں کو ڈبو سکتا نہیں کوئی
وہ پاتالوں میں جاکر بھی وہاں سے پھر اُبھرتے ہیں
Muhammad ke ghulamon ko dobo sakta nahi koi
Wo pataalon mein ja kar bhi wahaan se phir ubharte hain
جو اُن کے در پہ جا پہنچے ،وہی تو خوش مُقدّر ہیں
کہ ایماں ، اہلِ ایماں کے وہیں جا کر نکھرتے ہیں
Jo unke dar pe ja pohnche, wahi to khush muqaddar hain
Ke imaan, ahl-e-imaan ke wahin ja kar nikharte hain
جہاں کے بادشاہوں کو بھی اُن پر رشک آتا ہے
کہ جن کے روز و شب آقا ! ترے در پر گُزرتے ہیں
Jahan ke badshahon ko bhi un par rashk aata hai
Ke jin ke roz o shab aaqa! tere dar par guzarte hain
قضا آنی تو ہے لیکن ہمیں جب بھی قضا آئے
مدینے شہر میں ہوں بس ، تمنّا یہ ہی کرتے ہیں
Qaza ani to hai lekin humein jab bhi qaza aaye
Madine shehar mein hoon bas, tamanna ye hi karte hain
جلیل اُن کا کرم سایہ فگن جن کے سروں پر ہو
تو بے خوف و خطر غم کے وہ صحرا سے گُزرتے ہیں
Jaleel unka karam saaya fagan jin ke saron par ho
To be khauf o khatar gham ke wo sehra se guzarte hain
Share This Naat
Share with friends and family
مُقدّر کے دھنی ہیں وہ ، مدینے میں جو مرتے ہیں
حافظ عبدالجلیل