آئے ہیں جب وہ منْبر و محراب سامنے
تسکیں کے کُھل گئے ہیں کئی باب سامنے
Aaye hain jab wo minbar o mehrab samne
Taskeen ke khul gaye hain kayi bab samne
کیوں جگمگا اُٹھے نہ شب ِ تارِ زندگی
جب ہو رُخِ رسُولؐ کا مہتاب سامنے
Kyoon jagmaga uthe na shab-e-tar-e-zindagi
Jab ho rukh-e-Rasool (ﷺ) ka mahtab samne
پایا ہے لطفِ سرورؐ ِ عالم کو چارہ ساز
جب ہو نہ کوئی صورتِ اسباب سامنے
Paya hai lutf-e-Sarwar (ﷺ) e Alam ko charah saz
Jab ho na koi soorat-e-asbab samne
سُوئے حجاز قافلہ شوق ہے رواں
دریائے اضطراب ہے پایاب سامنے
Soo-e-Hijaz qafila-e-shauq hai rawan
Darya-e-iztirab hai payab samne
اس زور سے دھڑکنا یہاں پر روا نہیں
ان کا حرم ہے اے دلِ بے تاب سامنے
Is zor se dhadakna yahan par rawa nahi
Un ka haram hai aye dil-e-baytab samne
کس شان سے حضورؐ ہیں مسجد میں جلوہ ریز
کتنے ادب سے بیٹھے ہیں اصحاب سامنے
Kis shaan se Huzoor (ﷺ) hain masjid mein jalwa reiz
Kitne adab se baithe hain ashab samne
تائبؔ فضائے شہرِ نبی ؐ ہے خیال میں
یا خُلد کا ہے منظرِ شاداب سامنے
Taib faza-e-shehr-e-Nabi (ﷺ) hai khayal mein
Ya khuld ka hai manzar-e-shadab samne
Share This Naat
Share with friends and family
آئے ہیں جب وہ منْبر و محراب سامنے
حفیظ تائب