میں نے جب آپ کی دہلیز کو آقاؐ چوما
یوں لگا آپ نے جیسے مرا ماتھا چو ما
Main ne jab aap ki dehleez ko aqa ﷺ chooma
Yun laga aap ne jaise mera matha chooma
ہونٹ فارغ ہوئے پل بھر کو نہ آنکھیں میری
کبھی جالی کبھی روضہ کبھی پردا چوما
Hont farigh hue pal bhar ko na aankhein meri
Kabhi jali kabhi roza kabhi parda chooma
آپ کو خواب میں دیکھا تو مقدر جاگے
جھوم اٹھا ، نعت پڑھی رو دیا، لپٹا ، چو ما
Aap ko khwab mein dekha to muqaddar jaage
Jhoom utha, naat padhi ro diya, lipta, chooma
ان کے قدموں کی طرف لے گئے جب ہونٹ مجھے
ہونٹ بھی نقش قدم بن گئے اتنا چو ما
Un ke qadmoun ki taraf le gaye jab hont mujhe
Hont bhi naqsh e qadam ban gaye itna chooma
سفرِ عرش پہ لے جانے کو جبریل جب آئے
اپنے رخسار سے مہتابِ کف پا چو ما
Safar e arsh pe le jane ko Jibreel jab aaye
Apne rukhsaar se mahtab e kaf e pa chooma
حجر اسود کو دیا بوسہ تو محسوس ہو ا
حجر اسود کو نہیں ہاتھ خدا کا چوما
Hajr e Aswad ko diya bosa to mehsoos hua
Hajr e Aswad ko nahi haath khuda ka chooma
میں بتاتا ہوں تمہیں عشق نوردی کیا ہے
ایک آہٹ کے لیے سارا مدینہ چوما
Main batata hoon tumhe ishq nordi kya hai
Ek aahat ke liye saara Madina chooma
شہد سا دوڑ گیا ہے مری شریانوں میں
جب کبھی پڑھ کے درود اپنا انگوٹھا چو ما
Shehad sa daud gaya hai meri shiraanon mein
Jab kabhi parh ke durood apna angutha chooma
منزلیں رہتی ہیں سینے میں مظفر میرے
وہ جدھر بھی گئے میں نے وہ رستہ چوما
Manzilein rehti hain seene mein Muzaffar mere
Woh jidhar bhi gaye main ne woh rasta chooma
Share This Naat
Share with friends and family
میں نے جب آپ کی دہلیز کو
مظفر وارثی