naat
جب لگا آنکھ میں موسم ذرا صحرائی ہے
جب لگا آنکھ میں موسم ذرا صحرائی ہے
بن کے رحمت کی گھٹا آپ کی یاد آئی ہے
Jab laga aankh mein mausam zara sehraai hai
Ban ke rehmat ki ghata aap ki yaad aai hai
اُس کی آنکھیں ہیں مسیحائے مریضانِ جہاں
جو مریضِ رُخِ آقائی و مولائی ہے
Us ki aankhen hain masihaaye mareezan-e jahan
Jo mareez-e rukh-e aaqai o moulai hai
حسنِ جنت سے بہل ہی نہیں سکتی وہ نظر
آپ کے نقشِ کفِ پا کی جو شیدائی ہے
Husn-e jannat se behal hi nahi sakti woh nazar
Aap ke naqsh-e kaf-e pa ki jo sheedai hai
مشک و عنبر کا پرستار تھا ذوقِ دلِ من
میں نے پھر خاکِ مدینہ اِسے دکھلائی ہے
Mushk o anbar ka parastaar tha zouq-e dil-e man
Maine phir khaak-e Madina ise dekhlaai hai
شہرِ طیبہ کی ہوائیں جو سکوں دیتی ہیں
غنچہ و گل نے کہاں ایسی ادا پائی ہے
Shehr-e Tayyba ki hawaaein jo sukoon deti hain
Ghuncha o gul ne kahan aisi ada paai hai
عقل والوں کی جبینوں پہ لکھا ہے سُفَھاء
عشق والوں کی جبیں خطبہِ دانائی ہے
Aqal walon ki jabeenon pe likha hai sufaah
Ishq walon ki jabeen khutbah-e danaai hai
آپ آئیں گے تو آقا مجھے آئے گا یقیں
لوگ کہتے ہیں سلامت مِری بینائی ہے
Aap aayeinge to aaqa mujhe aae ga yaqeen
Log kehte hain salaamat meri benaai hai
مان کس چیز کا ہے بادِ صبا کو اتنا
کیا مدینے کے مضافات سے ہو آئی ہے ؟
Maan kis cheez ka hai baad-e saba ko itna
Kya Madine ke muzafaat se ho aai hai?
ہے تبسم کے تخیل کو جو معراج نصیب
آپ کے فیضِ تبسم کی یہ رعنائی ہے
Hai tabassum ke takhayyul ko jo miraaj naseeb
Aap ke faiz-e tabassum ki ye runawayi hai
Share This Naat
Share with friends and family
جب لگا آنکھ میں موسم ذرا صحرائی ہے
حافظ محمد ابوبکر تبسمؔ