ہے مدحِ نعلِ شاہ کے زیرِ اثر دماغ
اس خاکسار کا ہے ابھی عرش پر دماغ
hai madah-e-na'al-e-shah ke zer-e-asar dimaag
is khaaksaar ka hai abhi arsh par dimaag
رکھیے ! بہشتِ یادِ شہِ خلد میں اسے
تاکہ بنے نہ لقمۂِ نارِ سقر دماغ
rakhiye ! behisht-e-yaad-e-shah-e-khuld mein ise
taake bane na luqma-e-naar-e-saqar dimaag
آتے نہیں ہیں خشک مضامین فکر میں
گر روغنِ درود سے ہو تر بتر دماغ
aate nahi hain khushk mazaameen fikr mein
gar roghan-e-darood se ho tar batar dimaag
پڑ جائے گر معلِّمِ حکمت کی اک نگاہ
سلماں صفت ہو قلب تو لقماں اثر دماغ
par jaaye gar mulleem-e-hikmat ki ek nigaah
Salmann sifat ho qalb to Luqmann asar dimaag
ہے طالبِ وصالِ خدا بے درِ نبی
ابلیس کی طرح ہےمنافق بھی خر دماغ
hai talib-e-wisaal-e-khuda be dar-e-nabi
Iblees ki tarah hai munafiq bhi khar dimaag
پیشِ نظر ہے آئنہِ نعتِ نورِ حق
سج لے اے فکر ! حرف چمک جا سنور دماغ !
paish-e-nazar hai aaina-e-naat-e-noor-e-haq
saj le aye fikr ! harf chamak ja sanwar dimaag !
تحفیظِ فکرِ وصفِ " رَفَعنا " میں ہیں اگر
ہوگا کبھی نہ آپ کا زیر و زبر دماغ
tahfeez-e-fikr-e-wasf-e "ra'fa'na" mein hain agar
hoga kabhi na aap ka zer o zabar dimaag
کانِ علوم ، لوحِ شرف ، ما طَغٰی ، ورا
گوشِ کرم ، جبینِ حشم ، چشم ، سر ، دماغ
kaan-e-uloom, louh-e-sharaf, ma tagha, wara
gosh-e-karam, jabeen-e-hasham, chashm, sar, dimaag
کرتی نہیں ثنائے نبی ہر زباں قبول
شایاں نہیں خیالِ محمد کے ہر دماغ
karti nahi sana-e-nabi har zabaan qubool
shaayaan nahi khayaal-e-Muhammad ke har dimaag
ہے گنبدِ معظمِؔ شہ دیکھنے کی دیر
تو بھول جائے گا ابھی سارا سفر دماغ !
hai gunbad-e-muazzam shah dekhne ki der
to bhool jaaye ga abhi saara safar dimaag !
Share This Naat
Share with friends and family
ہے مدحِ نعلِ شاہ کے زیرِ اثر دماغ
معظم سدا معظم مدنی