بدن میرا یہاں پر ہے مگر ہے جاں مدینے میں
مری جنت، مری خوشبو، مری ہے ماں مدینے میں
Badan mera yahan par hai magar hai jaan Madine mein
Meri jannat, meri khushboo, meri hai maan Madine mein
یہاں تو مَیں مسافر ہوں یہاں کچھ بھی نہیں میرا
مرا آقا، مرا مولا، مرا سلطاں مدینے میں
Yahan to main musafir hoon yahan kuch bhi nahi mera
Mera aaqa, mera maula, mera sultaan Madine mein
مرے کانوں پہ دستک دیتی رہتی ہے صدا اس کی
بُلاتا ہے مجھے ہر وقت ہی قرآں مدینے میں
Mere kanon pe dastak deti rehti hai sada us ki
Bulata hai mujhe har waqt hi Quran Madine mein
وہ کیونکر خوش نہ ہو جس کو ملے خوشبو مدینے کی
ہر اک پتھر ہر اک دیوار ہے نازاں مدینے میں
Woh kyun kar khush na ho jis ko mile khushboo Madine ki
Har aik pathar har aik deewar hai nazaan Madine mein
مَیں اس اُمید پر بیٹھا ہوں اس ویران جنگل میں
مری راحت، مری بخشش کا ہے ساماں مدینے میں
Main is umeed par baitha hoon is veeran jangal mein
Meri rahat, meri bakhshish ka hai saamaan Madine mein
چمن کی ساری خوشبو میرے دامن سے لپٹتی ہے
صحابہ کے لیے ہر پھول نغمہ خواں مدینے میں
Chaman ki saari khushboo mere daman se lipat ti hai
Sahaba ke liye har phool naghma khwan Madine mein
درِ فخر دوعالم سے کوئی خالی نہیں جاتا
خدا کی رحمتیں ہیں دم بہ دم رقصاں مدینے میں
Dar-e-fakhr-e-do aalam se koi khaali nahi jata
Khuda ki rehmaten hain dam ba dam raqsan Madine mein
ابوبکر و عمر کی شفقتیں ہوتی ہیں ساتھ اس کے
رہا کرتا نہیں تنہا کبھی انساں مدینے میں
Abu Bakr o Umar ki shafqat hoti hain sath us ke
Raha karta nahi tanha kabhi insaan Madine mein
عمر فاروق کے رعب اور اس کے خوف سے انجؔم
قدم رکھتا نہیں ہرگز کبھی شیطاں مدینے میں
Umar Farooq ke raab aur us ke khauf se Anjam
Qadam rakhta nahi hargiz kabhi shaitaan Madine mein
Share This Naat
Share with friends and family
بدن میرا یہاں پر ہے مگر ہے جاں مدینے میں
انجم نیازی