پلکاں دی سیج وچھا کے میں حال سناواں سوہنے نوں
اوہدے قدمیں سیس نوا کے دل چیر وکھاواں سوہنے نوں
Palkan dee sej vichha ke mein haal sanawan sohney noo
Ohde kadmein sees nawa ke dil cheer wakhawan sohney noo
ہنجواں دا میں ہار بنا کے گل محبوب دے پاواں
اپنے گل وچ پاکے پلا رو رو بُھل بخشاواں
Hanjawan da mein haar bana ke gal mehboob de pawan
Apne gal vich paake pila ro ro bhul bakhshawan
پھر بُلھے شاہ دیوانگوں نچ نچ کے مناواں سوہنے نوں
گھر والا جد گھر وچ آوے بھل جاون دُکھ سارے
Phir bullhe shah deewangoo nach nach ke manawan sohney noo
Ghar wala jad ghar vich aave bhul jawan dukh sare
یار دیاں قدماں نوں واراں لاہ اسمانوں تارے
لکھ واری صدقے جا کے اکھیاں چہ بٹھاواں سوہنے نوں
Yaar diyan kadman nooawaran laah asmanooan tare
Lakh waari sadqe ja ke akkhiyaan ch beithawan sohney noo
دن راتیں میں کراں اُڈیکاں یار اجے نہیں آیا
نہ آون دیاں خبراں گھلیاں نہ دَر تے بلوایا
Din raatein mein karaan udeekan yaar ajay nahi aaya
Na aawan diyaan khabran ghilliyan na dar te bulawaya
ہُن دسو نی کوئی آکے میں کیویں بُلاواں سوہنے نوں
دن راتیں میں تڑپاں صائم روواں تے گرلاواں
Hun daso ni koi aake mein kiween bulawan sohney noo
Din raatein mein tadpan saim rowan te girlawan
اُسدے در تے خبرے میریاں پہنچدیاں نئیں ہاواں
لکھ ترلے صبا دے پا کے پیغام گھلاواں سوہنے نوں
Usde dar te khabre meriyaan pahunchdiyan nein haawan
Lakh tarle saba de pa ke paighaam ghllawan sohney noo
Share This Naat
Share with friends and family
پلکاں دی سیج وچھا کے میں حال سناواں سوہنے نوں
علامہ صائم چشتی