شاہا دوجہاں میں ہے شہرہ تری رحمت کا
ہر ذَرَّہ ثنا خواں ہے مولیٰ تری رِفعت کا
Shaha do jahan main hai shehra teri rehmat ka
Har zarra sana khwan hai maula teri rift ka
کچھ صرف غلاموں کی تخصیص نہیں اس میں
کفار نے بھی پایا صدقہ تری رحمت کا
Kuch sirf ghulamon ki takhsis nahi is mein
Kuffar ne bhi paya sadaqa teri rehmat ka
ہم بھول گئے تجھ کو تو نے نہ کبھی چھوڑا
کس منہ سے کریں پھر ہم دعویٰ تری چاہت کا
Hum bhool gaye tujh ko tu ne na kabhi chhoda
Kis munh se karen phir hum dawa teri chahat ka
خود اُمتی بننے کی مالک سے تمنا کی
موسیٰ نے سنا جس دَم رُتبہ تری اُمت کا
Khud ummati banne ki malik se tamanna ki
Musa ne suna jis dam rutba teri ummat ka
مخلوقِ الٰہی ہے شیدا تو تعجب کیا
جب خود ترا خالق ہے پیارا تری صورت کا
Makhlooq-e-ilahi hai sheda tu ta'ajjub kya
Jab khud tera khaliq hai pyara teri surat ka
اس سر کی سراَفرازی عالم سے بیاں کیا ہو
جس سر پہ رکھا حق نے تاج اپنی نیابت کا
Is sar ki sar'afrazi alam se bayan kya ho
Jis sar pe rakha haqq ne taj apni niabat ka
دربارِ عدالت میں ہوتا جو نہ تو حامی
غرقاب ہی ہوجاتا بیڑا تری اُمت کا
Darbar-e-adalat mein hota jo na tu hami
Gharqab hi ho jata beira teri ummat ka
ہم تیرے سوا کس سے فریاد کریں اپنی
ذِمہ تو لیا تو نے اُمت کی حمایت کا
Hum tere siwa kis se faryaad karen apni
Zimma tu liya tu ne ummat ki himayat ka
پڑتی ہے نظر سب کی آقا ترے دامن پر
اُٹھتا ہے تری جانب منہ ساری ہی خلقت کا
Parti hai nazar sab ki aaqa tere daman par
Uthta hai teri janib munh sari hi khalqat ka
میدانِ قیامت میں جتنے بھی کھڑے ہوں گے
منہ حشر میں دیکھیں گے پیاری تری اُمت کا
Medan-e-qayamat mein jitne bhi khare hon ge
Munh hashr mein dekhen ge pyari teri ummat ka
اللہ تعالیٰ کو اس بزمِ قیامت میں
منظور دکھانا ہے سب کو تری عزت کا
Allah ta'ala ko is bazm-e-qayamat mein
Manzoor dikhana hai sab ko teri izzat ka
کیا غم ہے غلاموں کو گھبراتے ہیں کیوں عاصی
سردارِ مَدینہ جب دولہا ہے شفاعت کا
Kya gham hai ghulamon ko ghabrate hain kyun asi
Sardar-e-Madina jab dulha hai shafa'at ka
فہرست کھلی جس دَم جنت میں پہنچنے کی
پہلے ہی نکل آیا نمبر تری اُمت کا
Fehrist khuli jis dam jannat mein pahunchnay ki
Pehle hi nikal aya number teri ummat ka
اِک آن میں دھو دینا عصیاں کے سیہ نامے
ادنیٰ سا کرشمہ ہے اس چشم عنایت کا
Ik aan mein dho dena isyan ke siya name
Adna sa karishma hai is chashm inayat ka
صدیق و عمر دونوں بھیجیں گے غلاموں کو
جس وقت کھلے گا دَر مولیٰ تری جنت کا
Siddiq o Umar dono bhejenge ghulamon ko
Jis waqt khule ga dar maula teri jannat ka
یہ حکمِ مَلِک ہوگا مَالِک سے کہ اے مَالِک
باقی نہ رہے کوئی محبوب کی اُمت کا
Ye hukum-e-malik ho ga malik se ke aye malik
Baqi na rahe koi mehboob ki ummat ka
سب اَہل مَعاصی کے جب وَزْن ہوئے عصیاں
ان سب پہ ہوا بھاری پلہ تری رحمت کا
Sab ahl ma'asi ke jab wuzn hue isyan
In sab pe hua bhaari palla teri rehmat ka
ہے ناز فقط ہم کو آقا کی شفاعت پر
توشہ تو نہیں کچھ بھی پاس اپنے عبادت کا
Hai naaz faqat hum ko aaqa ki shafa'at par
Tosha to nahi kuch bhi paas apne ibadat ka
دَربارِ عدالت میں اللہ سے کہہ دوں گا
دیدے تو صلہ مجھ کو محبوب کی مِدحت کا
Darbar-e-adalat mein Allah se keh doon ga
Dede to sila mujh ko mehboob ki midhat ka
دونوں ہوں بہم یکجا کعبہ بھی مَدینہ بھی
گر کعبۂ دِل میں ہو نقشہ تری تربت کا
Dono hon baham yakja kaaba bhi madina bhi
Gar kaaba-e-dil mein ho naqsha teri turbat ka
پھر قلب میں بندوں کے اِک زَلزلہ پیدا ہو
گر ذِکر سنائیں ہم شاہا تری شوکت کا
Phir qalb mein bandon ke ik zalzala peda ho
Gar zikar sunayein hum shaha teri shaukat ka
زُنَّار و صنم توڑے اِیماں کے دیئے توڑے
اعلان کیا تم نے جس وقت رِسالت کا
Zunnar o sanam tore imaan ke diye tore
Elan kiya tumne jis waqt risalat ka
سورج تو پلٹ آیا اور چاند بنائے دو
صرف ایک اشارہ تھا اَنگشتِ شہادت کا
Suraj to palat aya aur chaand banaye do
Sirf ek ishara tha angusht-e-shahadat ka
فرزندوں کو جابر کے اِک آن میں جاں بخشی
قدرت تو دکھانی تھی اور نام تھا دعوت کا
Farzandon ko jabar ke ik aan mein jaan bakhshi
Qudrat to dikhani thi aur naam tha dawat ka
بندوں کو دیا سب کچھ فاقوں پہ گزاری خود
وہ طور سخاوَت کا یہ حال قناعت کا
Bandon ko diya sab kuch faqon pe guzari khud
Woh tor sakavat ka yeh haal qanaat ka
اَعدا نے تو اِیذا دی مولیٰ نے دُعا یوں کی
دِکھلا دے انہیں یارب رَستہ تو ہدایت کا
A'ada ne to eziyyat di maula ne dua yun ki
Dikhla de unhein yarab rasta tohidayat ka
جب قبر میں دیکھوں گا کہہ دوں گا یہ آقا سے
یاں کھینچ کے لایا ہے اَرمان زِیارت کا
Jab qabr mein dekhoon ga keh doon ga ye aaqa se
Yaan kheench ke laya hai arman ziarat ka
بوجہل کو شان ان کی کس طرح نظر آتی
کذاب کی آنکھوں پر پردہ تھا ضلالت کا
Bujahel ko shan unki kis tarah nazar aati
Kazzab ki aankhon par parda tha dalalat ka
سنی کی زباں پر تو ہے ذِکرِ نبی ہر دَم
نجدی کا وَظیفہ ہے یہ شرک یہ بدعت کا
Suni ki zuban par to hai zikr-e-nabi har dam
Najdi ka wazifa hai ye shirk ye bid'at ka
کیوں ناز جمیلؔ اپنی قسمت پہ نہ ہو مجھ کو
اس نور کا بندہ ہوں مَظْہَر ہے جو وَحدت کا
Kyun naaz Jamil apni qismat pe na ho mujh ko
Is noor ka banda hoon mazhar hai jo wahdat ka
Share This Naat
Share with friends and family
شاہا دوجہاں میں ہے شہرہ تری رحمت کا
جمیل الرحمن قادری