کتابِ مدحت میں شاہِ خوباں کی چاہتوں کے گلاب لکھ دوں
ورق ورق چاندنی لٹاتے کروڑہا ماہتاب لکھ دوں
Kitaab-e-mad'hat mein Shah-e-khubaan ki chaahton ke gulaab likh doon
Waraq waraq chaandni lutaate karor'ha mahtab likh doon
وہ سنگریزے جو راستوں میں پڑے ہوئے ہیں وہ محترم ہیں
دیارِ خوشبو کے ذرے ذرے کو نازشِ آفتاب لکھ دوں
Woh sangreze jo raaston mein pare huye hain woh mohtaram hain
Diyar-e-khushbu ke zarre zarre ko naazish-e-aftab likh doon
ہوائیں سرگوشیوں میں مژدے شفاعتوں کے سنا رہی ہیں
ہوائے بطحا کے مہکے جھونکوں کو مشک و عنبر کے خواب لکھ دوں
Hawaen sargosiyon mein musde shafaaton ke suna rahi hain
Hawa-e-bat'ha ke mehkay jhonkon ko mushk o anbar ke khwab likh doon
یقیں ہے کامل درود وجہِ نجات ہوگا بروزِ محشر
درود ذاتِ رسول پر ان گنت پڑھوں بے حساب لکھ دوں
Yaqeen hai kaamil durood wajah-e-nijaat hoga baroz-e-mahshar
Durood zaat-e-Rasool par an-ginat parhoon bey hisaab likh doon
یہ زیست ہو جائے کار آمد اگر اطاعت میں بیت جائے
میں اپنے جیون کا ایک اک پل بنامِ عالی جناب لکھ دوں
Yeh zist ho jaye kaar aamad agar ita'at mein bait jaye
Mein apne jeewan ka ek ek pal banam-e-aali janab likh doon
بڑے دنوں سے مرے قلم کو بلندیوں کا جنون سا ہے
میں چاہتا ہوں کہ ان کے نعلینِ نور پر بھی کتاب لکھ دوں
Badey dinon se mere qalam ko bulandiyon ka junoon sa hai
Mein chahta hoon ke un ke nalen-e-noor par bhi kitaab likh doon
حریمِ اشفاقؔ میں مواجہ کا عکسِ دل کش لگا ہوا ہے
میں اس کو گھر پر برسنے والا عنایتوں کا سحاب لکھ دوں
Hareem-e-Ashfaq mein mwajah ka aks-e-dil kash laga hua hai
Mein is ko ghar par barsne wala inayaton ka sahab likh doon
Share This Naat
Share with friends and family
کتابِ مدحت میں شاہِ خوباں کی چاہتوں کے گلاب لکھ دوں
اشفاق احمد غوری