عام مومن نہیں جب ولی کی طرح
کیسے ممکن ہے ہوگا نبی کی طرح
Aam momin nahi jab wali ki tarah
Kaise mumkin hai hoga nabi ki tarah
جب ہے سدرہ حدِ جبرئیلِ امیں
کون رفعت میں ہوگا نبی کی طرح
Jab hai sidrah had-e-jibraeel-e-ameen
Kaun rifat mein hoga nabi ki tarah
بالیقیں معرفت رب کی مل جائے گی
بندگی تو کرو بندگی کی طرح
Balyakeen maarifat rab ki mil jayegi
Bandagi to karo bandagi ki tarah
افضل المرسلیں آپ کی ذات ہے
انبیا بھی نہیں ہیں نبی کی طرح
Afzal ul murssaleen aap ki zaat hai
Anbiya bhi nahi hain nabi ki tarah
سنگ ریزے بھی اعجازِ سرکار سے
لب کشا ہوگئے آدمی کی طرح
Sang reze bhi aijaz-e-sarkar se
Lab kasha hogaye aadmi ki tarah
ساری امت میں افضل ابوبکر ہیں
کوئی ہوگا نہ اس امتی کی طرح
Saari ummat mein afzal abu bakr hain
Koi hoga na is ummati ki tarah
عدل کی دے سکی پھر نہ دنیا مثال
عہدِ فاروق کی منصفی کی طرح
Adl ki de saki phir na duniya misaal
Ahd-e-farooq ki munsafi ki tarah
ہو سخاوت کہ حلم و حیا کی صفت
کون ہے میرے عثماں غنی کی طرح
Ho sakhawat ke hilm o haya ki sifat
Kaun hai mere usman ghani ki tarah
علم و حکمت شجاعت میں بعدِ علی
ہو نہ پایا کوئی بھی علی کی طرح
Ilm o hikmat shujaat mein bad-e-ali
Ho na paya koi bhi ali ki tarah
وہ حسین و حسن باغِ زہرہ کے پھول
ہیں معطّر گلِ جنّتی کی طرح
Wo hussain o hassan bagh-e-zahra ke phool
Hain muattar gul-e-jannati ki tarah
نعت گوئی ہے دشوار احسنؔ بہت
یہ نہیں حسن کی شاعری کی طرح
Naat goi hai dushwar Ahsan bohat
Yeh nahi husn ki shairi ki tarah
Share This Naat
Share with friends and family
عام مومن نہیں جب ولی کی طرح
احسن اعظمی