یہ ہلکا ہلکا سرور مژدہ سنا رہا ہے
سنہری جالی کا نُور مجھ کو بلا رہا ہے
Yeh halka halka surur mujda suna raha hai
Sunehri jali ka noor mujh ko bula raha hai
جو وردِ لب ہے درود کا یہ حسیں وظیفہ
یہ عشقِ احمدؐ کی جوت دل میں جگا رہا ہے
Jo wird-e-lab hai durood ka yeh haseen wazifa
Yeh ishq-e-Ahmed (SAW) ki jot dil mein jaga raha hai
یہ اسمِ احمد کے نُور ہی کا تو ہے اجالا
جو ظلمتوں میں سبھی کو راہیں سجھا رہا ہے
Yeh ism-e-Ahmed ke noor hi ka to hai ujala
Jo zulmato mein sabhi ko rahein sujha raha hai
اے سبز گنبدترا یہ منظر رہے سلامت
کہ تشنہ لب کی یہ پیاس پیہم بجھا رہا ہے
Ae sabz gumbad tera yeh manzar rahe salamat
Ke tashna lab ki yeh pyas paiham bujha raha hai
ہو میزبانی کا اب تو آقاؐ! شرف عنایت
غلام راہوں میں کب سے پلکیں بچھا رہا ہے
Ho mezbani ka ab to aaqa (SAW)! sharaf inayat
Ghulam raahon mein kab se palken bicha raha hai
تجھے بھی اک دن جلیل ہوگا وہاں بلاوا
کوئی تو ہے جو یقین مجھ کو دلا رہا ہے
Tujhe bhi ek din jaleel hoga wahan bulawa
Koi to hai jo yaqeen mujh ko dila raha hai
Share This Naat
Share with friends and family
یہ ہلکا ہلکا سرور مژدہ سنا رہا ہے
حافظ عبدالجلیل