جس بھِکاری کو کیا آپؐ کی رحمت نے نہال
بَخدا اس کے قدم چومتا ہے اوج ِ کمال
Jis bhekari ko kiya aap ﷺ ki rehmat ne nehal
Bakhuda us ke qadam choomta hai ooj-e-kamaal
اس توجّہ کے تصدّ ق ہے اُنہیں کتنا خیال
سینکڑوں غم ہیں مگر پھر بھی نہیں کوئی ملال
Is tawajuh ke tasadduq hai unhein kitna khayaal
Senkron gham hain magar phir bhi nahin koi malaal
سوچتا رہتا ہوں ہر وقت وہ کیسے ہوں گے
ڈوبنے دیتا نہیں جِن کا مصیبت میں خیال
Sochta rehta hoon har waqt wo kaise honge
Doobne deta nahin jin ka museebat mein khayaal
ایسا آئینہ ہے حُسنِ رُخِ محبوبؐ ِخدا
جس کے جوہر میں ہے موجود مصوِّر کا جمال
Aisa aina hai husn-e-rukh-e-mehboob ﷺ e khuda
Jis ke johar mein hai maujood musavvir ka jamaal
حوصلے اُن کے کرم نے ہی دیئے ہیں ورنہ
ان کی تعریف کروں یہ تو نہیں میری مجال
Hosale un ke karam ne hi diye hain warna
Un ki tareef karoon ye to nahin meri majaal
وہ تو مائل بہ کرم ہیں یہ گوارا ہی نہیں
اُن کے دربار میں پھیلائے کوئی دستِ سوال
Wo to maael beh karam hain ye gawara hi nahin
Un ke darbaar mein phelaaye koi dast-e-sawaal
اے خدا تجھ کو تری بندہ نوازی کی قسم
دلِ بے تاب کو دے عشقِ عمر سوزِ بلال
Ai khuda tujh ko teri banda nawazi ki qasam
Dil-e-betaab ko de ishq-e-Umar soz-e-Bilal
حسن و خوبی میں وہ یکتا ہیں کرم میں یکتا
اُن سا بے مثل ہے کوئی نہ کوئی اُن کی مثال
Husn o khoobi mein wo yakta hain karam mein yakta
Un sa be misal hai koi na koi un ki misaal
عشقِ سرکارِؐ مدینہ کے تصدّق دل و جاں
یہ عُروج ایسا ہے ممکن نہیں جس کو زوال
Ishq-e-Sarkar ﷺ e Madina ke tasadduq dil o jaan
Ye urooj aisa hai mumkin nahin jis ko zawal
جب کبھی زینتِ لب نعت کے اشعار بنے
اُن کے جلوے نظر آئے سرِ محرابِ خیال
Jab kabhi zeenat-e-lab naat ke ashaar bane
Un ke jalwe nazar aaye sar-e-mehrab-e-khayaal
ان کے دیدار سے محروم نہیں رہ سکتا
آنکھیں اشکوں سے کر ے پاک جو مشتا قِ جمال
Un ke deedaar se mehroom nahin reh sakta
Aankhein ashkon se kare paak jo mushtaq-e-jamaal
دیکھ سرکارؐ نے کیا کیا نہیں بخشا خالدؔ
ایک ہی بار تو پھیلا تھا ترا دستِ سوال
Dekh Sarkar ﷺ ne kya kya nahin bakhsha Khalid
Ek hi baar to phaila tha tera dast-e-sawaal
Share This Naat
Share with friends and family
جس بھِکاری کو کیا آپؐ کی رحمت نے نہال
خالد محمود خالد