جب وہ سفر پر جایا کرتے
سر پر بادل سایہ کرتے
Jab wo safar par jaya karte
Sar par badal saya karte
ان کا نام لبوں پر آئے
میٹھا میٹھا منہ ہوجائے
Un ka naam labon par aaye
Meetha meetha munh ho jaye
ان کے بول بہاروں جیسے
اور اصحاب ستاروں جیسے
Un ke bol baharon jaise
Aur ashab sitaron jaise
ان سا پیارا اور نہ کوئی
ان سے بچھڑ کر لکڑی روئی
Un sa pyara aur na koi
Un se bichhad kar lakdi royi
ان کی ذات اک شہر نرالا
علم اس شہر کا رہنے والا
Un ki zaat ik shehr nirala
Ilm us shehr ka rehne wala
کیسے لوگ تھے مکے والے
روح کے اندھے دل کے کالے
Kaise log the makke wale
Rooh ke andhe dil ke kaale
راس نہ آیا انہیں اجالا
چاند کو شہر بدر کر ڈالا
Ras na aaya unhein ujala
Chaand ko shehr badar kar dala
جس بنائے چاند ستارے
روشنیون کے چشمے سارے
Jis banaye chaand sitare
Roshniyon ke chashme saare
اس نے انہیں پسند کیا ہے
ان کا ذکر بلند کیا ہے
Us ne unhein pasand kiya hai
Un ka zikr buland kiya hai
صادق اور امین وہی ہیں
طہَ اور یسین وہی ہیں
Sadiq aur Amin wohi hain
Taha aur Yasin wohi hain
مولا کی پہچان وہی ہیں
سب سے بڑے انسان وہی ہیں
Moula ki pehchan wohi hain
Sab se bade insaan wohi hain
وہ مہمان عرش معلی
شان محمد اللہ اللہ
Woh mehmaan arsh e mualla
Shaan e Muhammad Allah Allah
رحمت ان کی عالم عالم
صلی اللہ علیہ و سلم
Rehmat un ki alam alam
Sallallahu alaihi wa sallam
Share This Naat
Share with friends and family
جب وہ سفر پر جایا کرتے
انور مسعود