ہر دَم ہو مِرا وِرد مدینہ ہی مدینہ
بن جائے مِرا دل تری الفت کا خزینہ
Har dam ho mera wird e madina hi madina
Ban jaye mera dil teri ulfat ka khazeena
وہ لَمحہ وہ دِن اَور وہ آجَائے مہینا
پھر کاش! تڑپتا ہُوا پہنچوں میں مدینہ
Wo lamha wo din aur wo aajae maheena
Phir kaash! Tarp'ta huwa pahunchoon main madina
طیبہ میں بُلا کر مُجھے سلطانِ مدینہ
دیدار کی خاطِر ہو عَطا آنکھ بھی بِینا
Taybah main bula kar mujhe sultan e madina
Deedaar ki khatir ho a'ta aankh bhi beena
سینہ ہو مدینہ تو مدینہ بنے سینہ
اور یاد تری دل میں رہے شاہِ مدینہ
Seena ho madina to madina bane seena
Aur yaad teri dil main rahe shah e madina
آجَائے مُجھے کاش! شَہَنشاہِ مدینہ
رَونے کا تڑپنے کا پَھڑکنے کا قَرینہ
Aajae mujhe kaash! Shahenshah e madina
Rone ka tarapne ka phar'kne ka qareena
عِصیاں کے تَلاطُم میں پھنسا میرا سفینہ
ڈوبا میں سنبھالو! مُجھے سرکارِ مدینہ
Isyan ke talatum main phansa mera safeena
Doba main sanbhalo! Mujhe sarkar e madina
اے نُورِ خُدا نُور بَھری دِل پہ نَظر ہو
ہو نُور سے پُرنُور یہ بے نُور نگینہ
Ae noor e Khuda noor bhari dil pe nazar ho
Ho noor se pur noor ye be noor nageena
سرکار! تمنّا ہے یُونہی عُمر بَسر ہو
مرنا تری الفت میں تری یاد میں جینا
Sarkar! Tamanna hai yunhi umr basar ho
Marna teri ulfat main teri yaad main jeena
غمگین تِرے غم میں رہُوں کاش ! ہمیشہ
روتی رہیں آنکھیں تو سُلگتا رہے سینہ
Ghamgeen tere gham main rahoon kaash! hamesha
Roti rahen aankhen to sulagta rahe seena
ساقی! مُجھے جَام ایسا محبت کا پِلادو
اُترے نہ نشہ اس کا کبھی شاہِ مدینہ
Saqi! Mujhe jaam aisa mohabbat ka pila do
Utre na nasha is ka kabhi shah e madina
تُم خاکِ مدینہ مِرے لاشے پہ چھڑکنا
پھر مَلنا کفن پر جو ملے اُن کا پسینہ
Tum khaak e madina mere laashe pe chhidakna
Phir malna kafan par jo mile un ka paseena
عطّارؔ طلبگار ہے بس نظرِ کرم کا
لِلّٰہ کرم، جانِ کرم، بہرِ مدینہ
Attarؔ talabgar hai bas nazar e karam ka
Lillah karam, jaan e karam, beher e madina
Share This Naat
Share with friends and family
ہر دَم ہو مِرا وِرد مدینہ ہی مدینہ
الیاس عطار قادری