میں اُس زمانے کا منتظر ہوں ٗ زمانہ جب بے مثال ہوگا
ہر ایک مسجد مدینہ ہو گی ہر اک موذّن بلال ہوگا
Main us zamane ka muntazir hoon, zamana jab be-misaal hoga
Har aik masjid Madina hogi har aik moazzan Bilal hoga
چمک اٹھے گر ضمیر اپنےٗ جو ہوگئے ہم اسیر اپنے
ہر ایک آہٹ چراغ ہوگیٗ ہر ایک سایا ہلال ہوگا
Chamak uthay gar zamir apne, jo hogaye hum aseer apne
Har aik aahat charagh hogi, har aik saya hilal hoga
حضورؐ کے آئنے اٹھا کر چلے تو پہچانے جائیں گے ہم
سفارشِ عشق مصطفؐےٰ سے ہمارا باطن بحال ہوگا
Huzur (ﷺ) ke aina uthakar chale to pehchane jayenge hum
Sifarish-e-ishq Mustafa (ﷺ) se hamara batin bhaal hoga
قرون اولیٰ سے رابطہ کر لیا جو اپنی ترقیّوں نے
محبتوں سے صداقتوں سے ہر آدمی مالا مال ہوگا
Quroon Awwal se rabta kar liya jo apni taraqqiyon ne
Mohabaton se sadaqaton se har admi mala-maal hoga
جہاد کرنا ہے ہر گھڑی سے ،حساب لینا ہے زندگی سے
منائیں گے جشن خیر ، اس دن بدی کا جب انتقال ہوگا
Jihad karna hai har ghari se, hisaab lena hai zindagi se
Manayenge jashn-e-khair, is din badi ka jab intaqal hoga
چنے گا جو راستے کے پتھرٗ اُسے زمانہ کہے گا رہبر
کسی کو ٹھوکر لگی تو ہر میر کارواں سے سوال ہوگا
Chune ga jo raste ke patthar, use zamana kahega rahbar
Kisi ko thokar lagi to har mir-e-karwan se sawal hoga
شریعتِ مصطفؐےٰ مظفر ، ہماری آئین ساز ہوگی
خدا کا قانون ، اپنا قانون بن گیا تو کمال ہوگا
Shari’at-e-Mustafa (ﷺ) Muzafar, hamari ayen saaz hogi
Khuda ka qanoon, apna qanoon ban gaya to kamal hoga
Share This Naat
Share with friends and family
میں اُس زمانے کا منتظر ہوں ٗ
مظفر وارثی