محمدؐ کا حُسن و جمال اللہ اللہ
وہ اک پیکرِ بے مثال اللہ اللہ
Muhammad (S.A.W) ka husn o jamaal Allah Allah
Woh ik paikar-e-be misal Allah Allah
نہ ان سا کوئی خُوبُرو دو جہاں میں
نہ ان سا کوئی خوش خصال اللہ اللہ
Na un sa koi khoobru do jahan mein
Na un sa koi khush khisal Allah Allah
خدا کا ہوا اور مہمان نہ کوئی
یہ عظمت یہ رُتبہ کمال اللہ اللہ
Khuda ka hua aur mehmaan na koi
Yeh azmat yeh rutba kamal Allah Allah
ہے زیرِ نگیں سطوتِ ہر دو عالم
محمد کا رُعب و جلال اللہ اللہ
Hai zer-e-nagin satwat-e-har do aalam
Muhammad ka roab o jalal Allah Allah
بُتانِ عرب پہ ہوا طاری لرزہ
اذاں دے رہے ہیں بلالؓ اللہ اللہ
Butan-e-arab pe hua taari larza
Azaan de rahe hain Bilal (R.A) Allah Allah
ثناء خوانیِٔ مُصطفےٰ کی بدولت
ظہوریؔ ہے شیریں مقال اللہ اللہ
Sana khawani-e-Mustafa ki badolat
Zahoori hai sheerin maqaal Allah Allah
Share This Naat
Share with friends and family
محمدؐ کا حُسن و جمال اللہ اللہ
محمد علی ظہوری