جائے گی ہنستی ہوئی خلد میں اُمت ان کی
کب گوارا ہوئی اللہ کو رِقت ان کی
Jaegi hasti hui khald mein umat un ki
Kab gawara hui Allah ko riqat un ki
ابھی پھٹتے ہیں جگر ہم سے گنہ گاروں کے
ٹوٹے دِل کا جو سہارا نہ ہو رحمت ان کی
Abhi phattay hain jigar hum se gunahgaron ke
Toote dil ka jo sahara na ho rehmat un ki
دیکھ آنکھیں نہ دکھا مہر قیامت ہم کو
جن کے سایہ میں ہیں ہم دیکھی ہے صورت ان کی
Dekh ankein na dikha mehr-e-qayamat hum ko
Jin ke saya mein hain hum dekhi hai soorat un ki
حسنِ یوسف دَمِ عیسٰی پہ نہیں کچھ موقوف
جس نے جو پایا ہے پایا ہے بدولت ان کی
Husn-e-Yusuf dam-e-Eesa pe nahi kuch mauqoof
Jis ne jo paya hai paya hai badolat un ki
ان کا کہنا نہ کریں جب بھی وہ چاہیں ہم کو
سرکشی اپنی تو یہ اور وہ چاہت اُن کی
Un ka kehna na karein jab bhi wo chahen hum ko
Sarkashi apni to ye aur wo chahat un ki
پار ہو جائے گا اِک آن میں بیڑا اپنا
کام کر جائے گی محشر میں شفاعت ان کی
Par ho jaega ik aan mein bera apna
Kaam kar jaegi mahshar mein shafaat un ki
حشر میں ہم سے گنہگار پریشاں خاطر
عفو رحمن و رحیم اور شفاعت ان کی
Hashar mein hum se gunahgar pareshan khatir
Afu Rehman o Raheem aur shafaat un ki
خاکِ دَر تیری جو چہروں پہ مَلے پھرتے ہیں
کس طرح بھائے نہ اللہ کو صورت ان کی
Khak-e-dar teri jo chehron pe male phirte hain
Kis tarah bhaye na Allah ko soorat un ki
عاصیو کیوں غم محشر میں مرے جاتے ہو
سنتے ہیں بندہ نوازی تو ہے عادت ان کی
Asio kyu gham-e-mahshar mein mare jaate ho
Sunte hain banda nawazi to hai adat un ki
جلوۂ شانِ الٰہی کی بہاریں دیکھو
قَدْ رَاَ الْحَق کی ہے شرح زیارت ان کی
Jalwa-e-shaan-e-Ilaahi ki baharain dekho
Qad ra'al-haq ki hai sharah ziyaarat un ki
باغِ جنت میں چلے جائیں گے بے پوچھے ہم
وقف ہے ہم سے مساکین پہ دولت اُن کی
Bagh-e-jannat mein chale jaenge be puche hum
Waqaf hai hum se masakeen pe daulat un ki
یاد کرتے ہیں عدو کو بھی دعا ہی سے وہ
ساری دنیا سے نرالی ہے یہ عادت ان کی
Yaad karte hain adu ko bhi dua hi se wo
Saari duniya se nirali hai ye adat un ki
ہم ہوں اور ان کی گلی خلد میں واعظ ہی رہیں
اے حسنؔ ان کو مبارک رہے جنت ان کی
Hum hon aur un ki gali khald mein waiz hi rahein
Ae Hasan un ko mubarak rahe jannat un ki
Share This Naat
Share with friends and family
جائے گی ہنستی ہوئی خلد میں اُمت ان کی
حسن رضا خان