عاشق کو بھا سکے گی نہ رنگِ چمن کی بات
دل کا سُکون ہے فقط اُن کے وطن کی بات
Aashiq ko bha sakay gi na rang-e-chaman ki baat
Dil ka sukoon hai faqat un ke watan ki baat
موزوں یہاں پہ کیسے ہو دُرِّ عدن کی بات
اِس سے کہیں بُلند ہے اُن کے دہن کی بات
Mauzoon yahaan pe kaise ho dur-e-adn ki baat
Is se kahin buland hai un ke dahan ki baat
یاقُوت و لعل و نیلم و مرجان کیا کروں
دے گی مجھے تو لُطف نبی کے دہن کی بات
Yaqoot o laal o neelam o marjan kya karoon
De gi mujhe to lutf Nabi ke dahan ki baat
گِردِ ہلال ہالہ سِتارے کِیے رہے
کیا خوب میرے شاہ کی ہے انجمن کی بات
Gird-e-hilal haala sitaray kiye rahay
Kya khoob mere Shah ki hai anjuman ki baat
طیبہ کی گَرد کوئی چھڑک دے جو بعدِ مرگ
بڑھ جائے خاکِ جسم کی، میرے کفن کی بات
Tayba ki gard koi chhidak de jo ba'ad-e-marg
Barh jaaye khaak-e-jism ki, mere kafn ki baat
عُشّاق اُن کے ذکر سے ہیں شاد دائمی
لب پر عدو کے ہوگی ہمیشہ جلن کی بات
Ushaaq un ke zikar se hain shaad daaimi
Lab par adu ke hogi hamesha jalan ki baat
اُن کے کرم سے گور میں محشر میں خیر ہے
حق ٹالتا ہے کب مرے شاہِ زمن کی بات
Un ke karam se gor mein mahshar mein khair hai
Haq talta hai kab mere Shah-e-zaman ki baat
پیاسے جو خون کے تھے وہ دامن میں آگئے
دل کش ہے کِس قدر میرے شِیریں سُخن کی بات
Pyase jo khoon ke the woh daaman mein aa gaye
Dil kash hai kis kadar mere sheereen sukhan ki baat
دل میں ہمارے آلِ نبی کی وِلا رہے
اور لب پہ ہمیشہ ہی رہے پنجتن کی بات
Dil mein hamare aal-e-Nabi ki wila rahe
Aur lab pe hamesha hi rahe Panjtan ki baat
مرزا جو اُن کے لُطف و کرم کی نظر پڑے
ہم کو لگے گی پھول سی رنج و مِحن کی بات
Mirza jo un ke lutf o karam ki nazar pare
Hum ko lage gi phool si ranj o mihn ki baat
Share This Naat
Share with friends and family
عاشق کو بھا سکے گی نہ رنگِ چمن کی بات
مرزا جاوید بیگ عطاری