پھر مدینہ کا سفر یاد آیا
اپنے سرکار کا در یاد آیا
Phir Madina ka safar yaad aya
Apne Sarkar ka dar yaad aya
رحمتِ رب جہاں پل پل برسے
طیبہ برکات نگر یاد آیا
Rehmat-e-Rab-e-Jahan pal pal barse
Tayba barkat nagar yaad aya
امتِ عاصی کے قدموں میں بچھے
وہی جبریل کا پر یاد آیا
Ummat-e-Aasi ke qadmon mein bichhey
Woh jibreel ka par yaad aya
حشر میں مغفرتِ امت کو
وہ بندھا بند کمر یاد آیا
Hashr mein maghfirat-e-ummat ko
Woh banda band kamar yaad aya
روبرو جس کے دعائیں مانگیں
خانہء کعبہ کا در یاد آیا
Roobaru jis ke duaen maangin
Khana-e-Kaaba ka dar yaad aya
جہاں آمین کہیں قدوسی
ملتزم اور حجر یاد آیا
Jahan ameen kahin qudosi
Multazim aur hajar yaad aya
رخصتِ طیبہ کا غمگیں منظر
بھولنا چاہا مگر یاد آیا
Rukhsat-e-Tayba ka ghamgeen manzar
Bhoolna chaha magar yaad aya
جو کہ اسلام بچانے کو کٹا
سبطِ حیدر کا وہ سر یاد آیا
Jo keh Islam bachane ko kata
Sibt-e-Haider ka woh sar yaad aya
ہم مدینے میں رہے جتنے دن
ایک لمحہ بھی نہ گھر یاد آیا
Hum Madine mein rahe jitne din
Ek lamha bhi na ghar yaad aya
شہرِ بغداد نشانِ جنت
مرکزِ قلب و نظر یاد آیا
Shehr-e-Baghdad nishan-e-Jannat
Markaz-e-Qalb-o-Nazar yaad aya
کیا بھلی ہے یہ فضائے اجمیر
خواجہء پاک کا در یاد آیا
Kya bhali hai yeh faza-e-Ajmer
Khwaja-e-Pak ka dar yaad aya
کیسے آپے میں رہیں گے نظمی
گنبدِ سبز اگر یاد آیا
Kaise ape mein rahenge Nazmi
Gumbad-e-Sabz agar yaad aya
Share This Naat
Share with friends and family
پھر مدینہ کا سفر یاد آیا
سید آل رسول حسنین میاں برکاتی نظمی