حسن و جمالِ روضہء اطہر نظر میں ہے
منظر ابھی تلک وہ برابر نظر میں ہے
Husn o jamal-e-rozah-e-atthar nazar mein hai
Manzar abhi talak woh barabar nazar mein hai
ظلماتِ گرد و پیش مجھے کیا ڈرائیں گی
صد شکر اُنؐ کا رُوئے منور نظر میں ہے
Zulmaat-e-gard o paish mujhe kya darain gi
Sad shukar un ka rooe munawwar nazar mein hai
میں ہوں سیہ کار مگر روزِ حشر بھی
مہر و عطائے شافعِؐ محشر نظر میں ہے
Main hoon siyah kar magar roz-e-hashr bhi
Mehr o ataa-e-shafi-e-mahshar nazar mein hai
آغاز جس کا حضرتِ حسانؓ سے ہوا
وہ کاروانِ شوق مسلسل سفر میں ہے
Aaghaz jis ka hazrat-e-Hassan se hua
Woh karwaan-e-shauq musalsal safar mein hai
جو لمحہ اُنؐ کے ہجر میں مجھ پر گزر گیا
وہ اشک بن کے اب بھی مری چشمِ تر میں ہے
Jo lamha un ke hijr mein mujh par guzar gaya
Woh ashk ban ke ab bhi meri chashm-e-tar mein hai
جو ہے جبینِ سیدِ خیر الانامؐ پر
ایسی چمک کہاں کسی لعل و گہر میں ہے
Jo hai jabeen-e-Syed-e-Khair-ul-Anaam par
Aisi chamak kahan kisi laal o gohar mein hai
رُئے زمیں پہ اس کی نہیں ہے کوئی مثال
اشفاقؔ ایسا کیف نبیؐ کے نگر میں ہے
Roo-e-zameen pe us ki nahi hai koi misaal
Ashfaq aisa kaif Nabi ke nagar mein hai
Share This Naat
Share with friends and family
حسن و جمالِ روضہء اطہر نظر میں ہے
اشفاق احمد غوری