والضحیٰ میں کبھی رحمٰن میں آجاتے ہیں
نعت پڑھتے ہوئے قرآن میں آجاتے ہیں
Walduha mein kabhi Rehman mein aajate hain
Naat padhte hue Quran mein aajate hain
ہم نکل آتے ہیں سرکار پہ پڑھتے ہی درود
جب کبھی نرغۂ شیطان میں آجاتے ہیں
Hum nikal aate hain Sarkar pe padhte hi darood
Jab kabhi nargha-e-Sheitan mein aajate hain
لاکھ پوشیدہ ہوں عشاقِ شہِ بحر و بر
بھیڑ کتنی بھی ہو پہچان میں آجاتے ہیں
Laakh posheeda hon aashiq-e-Shahe bahr o bar
Bhir kitni bhi ho pehchan mein aajate hain
چھوٹ جاتا ہے پسینہ میاں اہلِ شر کا
خیر والے بھی جو میدان میں آجاتے ہیں
Chhot jata hai paseena mian ahl-e-shar ka
Khair wale bhi jo maidan mein aajate hain
خوشبوئوں سے مہک اٹھتے ہیں دماغ و دل بھی
جس گھڑی شاہِ اُمم دھیان میں آجاتے ہیں
Khushboo'on se mehak utte hain dimaag o dil bhi
Jis ghari Shah-e-Umam dhiyan mein aajate hain
اپنی اُمت سے اغثنی کی صدائیں سن کر
بہرِ امداد وہ اِک آن میں آجاتے ہیں
Apni Ummat se Aghisni ki sadayen sun kar
Behar-e-imdaad woh ik aan mein aajate hain
جو بھی گلیوں سے مدینے کی گزرتے ہیں شفیقؔ
عنبر و مشک میں لوبان میں آجاتے ہیں
Jo bhi galiyon se Madine ki guzarte hain Shafeeq
Anbar o mushk mein looban mein aajate hain
Share This Naat
Share with friends and family
والضحیٰ میں کبھی رحمٰن میں آجاتے ہیں
شفیق ؔ رائے پوری