قربِ معبود کی منزل میں ہے بندہ لا ریب
ہے بڑی حاملِ عظمت شبِ اسریٰ لا ریب
Qurb e Mabood ki manzil mein hai banda la raib
Hai bari hamil e azmat shab e Isra la raib
جب ہوئی ختم حدِ رف رف و قدسی و براق
لا مکاں تک گئے آقاؐ مرے تنہا لاریب
Jab hui khatam had e raf raf o Qudsi o Buraq
La makaan tak gaye Aqa mere tanha la raib
ہے غلط جو کہے روحانی تھی معراجِ نبیؐ
جسم کے ساتھ گئے عرش پہ آقاؐ لاریب
Hai ghalat jo kahe roohani thi mairaj e Nabi
Jism ke saath gaye arsh pe Aqa la raib
میرے آقاؐ کو جگانے کے لیے بہرِ ادب
مس کفِ پا سے ہے جبریل کا ماتھا لاریب
Mere Aqa ko jagane ke liye bahr e adab
Mas kaf e pa se hai Jibril ka matha la raib
جس کسی نے کیا معراجِ نبیؐ کا انکار
کر لیا اس نے جہنم میں ٹھکانہ لا ریب
Jis kisi ne kiya mairaj e Nabi ka inkaar
Kar liya usne jahannum mein thikana la raib
پایا بوبکر نے معراجِ صداقت کا شرف
جب کہا قصۂ معراج ہے سچا لاریب
Paya Boubakr ne mairaaj e sidqat ka sharaf
Jab kaha qissa e mairaaj hai sucha la raib
پیکرِ سنتِ سرور ہے سراپا جس کا
بے نیازِ غم دنیا ہے وہ بندہ لاریب
Paikar e sunnat e sarwar hai sarapa jis ka
Bay niyaz e gham dunya hai wo banda la raib
خوفِ رب حُبِ نبیؐ جب نہیں دل میں اپنے
ہے بجا حال جو ابتر ہے ہمارا لاریب
Khauf e Rab Hub e Nabi jab nahi dil mein apne
Hai baja haal jo abtar hai hmara la raib
جب بلائیں گے مدینے مرے آقاؐ احسنؔ
ہوگا معراجِ مقدر کا وہ لمحہ لاریب
Jab bulayenge Madinay mere Aqa Ahsan
Hoga mairaaj e muqadar ka wo lamha la raib
Share This Naat
Share with friends and family
قربِ معبود کی منزل میں ہے بندہ لا ریب
احسن اعظمی