ہوئی کافور ظلمت نورِ حق کا بول بالا ہے
بفیضِ آمدِ سرور زمانے میں اُجالا ہے
Hui kafoor zulmat Noor-e-Haq ka bol bala hai
Bafaiz-e-aamad-e-sarwar zamane mein ujala hai
عدوئے سنگ دل کو بھی بنا لے اپنا گرویدہ
مرے سرکار کا اخلاق ہی ایسا نرالا ہے
Aduwaye sang dil ko bhi bana le apna garweeda
Mere Sarkar ka ikhlaq hi aisa nirala hai
نبیؐ سے عشق کا دعویٰ اسی کا ہے فقط سچا
وہ جس نے اسوۂ سرکار پر ہستی کو ڈھالا ہے
Nabi(saww) se ishq ka daawa isi ka hai faqat sacha
Wo jis ne uswa-e-Sarkar par hasti ko dhala hai
حلیمہ سعدیہ تو ناز کر اپنے مقدر پر
تری آغوش میں رحمت کا پیکر آنے والا ہے
Haleema Saadiya tu naaz kar apne muqaddar par
Teri aaghosh mein rehmat ka paikar aane wala hai
نہ کیوں اہلِ جہاں ممنونِ احسانِ پیمبر ہوں
جہاں کو بحرِ ظلمت سے شہِ دیں نے نکالا ہے
Na kyun ahl-e-jahan mamnoon-e-ehsaan-e-Peyambar hon
Jahan ko bahr-e-zulmat se Shah-e-deen ne nikaala hai
بسی ہے جس کے دل میں عظمتِ اصحابِ پیغمبر
وہی شیدا نبیؐ کا ہے، وہی اللہ والا ہے
Basi hai jis ke dil mein azmat-e-as'haab-e-Peyambar
Wohi sheeda Nabi(saww) ka hai, wohi Allah wala hai
مکرم ذات ہے وہ حضرتِ صدیقِ اکبر کی
نبیؐ کے بعد جس نے کشتیِ دیں کو سنبھالا ہے
Mukarram zaat hai wo Hazrat-e-Siddiq-e-Akbar ki
Nabi(saww) ke baad jis ne kashti-e-deen ko sambhaala hai
عمر سے کیوں نہ ملتی مذہبِ اسلام کو رفعت
عمر کی ذاتِ اطہر مدعائے شاہِ والا ہے
Umar se kyun na milti mazhab-e-Islam ko ruf'at
Umar ki zaat-e-athar muda’aye Shah-e-wala hai
رسولِ پاکؐ نے دو بیٹیاں دیں عقدِ عثماں میں
مقدر حضرتِ عثماں غنی کا کتنا اعلیٰ ہے
Rasool-e-Paak(saww) ne do betiyan deen aqd-e-Uthman mein
Muqaddar Hazrat-e-Uthman Ghani ka kitna aala hai
علی نے جب درِ خیبر اکھاڑا بول اٹھے کافر
یقیناً یہ خدا کا شیر ہے، حق کا جیالا ہے
Ali ne jab dar-e-Khaibar ukhaada bol uthe kaafir
Yaqeenan ye Khuda ka Sher hai, Haq ka jiyala hai
وسیلے سے نبیؐ کے جب بھی احسؔن نے دعا مانگی
تو ہر طوفانِ آلام و بلا کو رب نے ٹالا ہے
Waseele se Nabi(saww) ke jab bhi Ahsan ne dua maangi
To har toofan-e-aalam o bala ko Rab ne taala hai
Share This Naat
Share with friends and family
ہوئی کافور ظلمت نورِ حق کا بول بالا ہے
احسن اعظمی