سلام اُس تے جیہڑا خالق دا بندہ بن کے آیا اے
سلام اُس تے جیہڑا دو جگ دا مَولا بن کے آیا اے
Salaam us te jihrha Khaaliq da banda ban ke aaya ae
Salaam us te jihrha do jug da maula ban ke aaya ae
سلام اس تے جیہڑا رحمت مجسّم بن کے آیا اے
سلام اس تے جیہڑا ناموسِ آدم بن کے آیا اے
Salaam us te jihrha rehmat mujassam ban ke aaya ae
Salaam us te jihrha naamoos-e-Aadam ban ke aaya ae
سلام اُس تے جیہڑا اِنسان کامل بن کے آیا اے
سلام اس تے جیہڑا کونین دا دِل بن کے آیا اے
Salaam us te jihrha insaan kaamil ban ke aaya ae
Salaam us te jihrha konain da dil ban ke aaya ae
سلام اُس تے جو ناداراں دا چارا بن کے آیا اے
غریباں ناتواں دا سہارا بن کے آیا اے
Salaam us te jo nadaaraan da chaara ban ke aaya ae
Ghareebaan naatwaan da sahaara ban ke aaya ae
درود اس تے جِہدا اخلاق وِچ کوئی نہ ثانی اے
درود اس تے جہدی بندہ نوازی غیر فانی اے
Darood us te jihda akhlaaq wich koi na saani ae
Darood us te jehdi banda nawaazi ghaer faani ae
درود اس تے جہدے اُتے اخوت ناز کردی اے
محبّت فخر کردی اے تے شفقت ناز کر دی اے
Darood us te jehde ute akhuwwat naaz kardi ae
Mohabbat fakhar kardi ae te shafqat naaz kar di ae
درود اس تے امامت تے ولایت جس دے گھر دی اے
قیادت جِس دی لَونڈی اے حکومت جس دی بردی اے
Darood us te imaamat te vilaayat jis de ghar di ae
Qiyaadat jis di landi ae hukoomat jis di bardi ae
درود اس تے جِنّھے نقشہ بدل دتّا زمانے دا
مرض پہچان لئی منشا سمجھ لتّا زمانے دا
Darood us te jinhne naqsha badal ditta zamaane da
Marz pehchaan layi minsha samajh latta zamaane da
عرب اُتّے جہالت دی سیہ راتاں دا پہرہ سی
عرب دی سَرزمیں ظلم و شقاوت دا کٹہرہ سی
Arab utte jahaalat di siyah raataan da pehra si
Arab di sarzameen zulm o shaqaawat da kathera si
زمانے بھرتے کفر و شرک دی چھائی سیاہی سی
خطا کاراں دی دنیا تے خطا کاری دی شاہی سی
Zamaane bharte kufr o shirk di chhaayi siyaahi si
Khata kaaraan di duniya te khata kaari di shaahi si
بد اندیشاں دے ہتھ وچ عصمتاں دی پاسبانی سی
ہوس دے بندیاں دی چار پاسے حکمرانی سی
Bad undeeshaan de hath wich asmattaan di paasbaani si
Hawas de bandiyaan di chaar paase hukmraani si
حیا سوزی دے توبہ اوہ نمونے ویکھے جاندے سن
کہ عرشاں دے فرشتے انگلیاں منہ وچ چباندے سن
Haya sozi de tauba oh namoone wekhke jande san
Ke arshaan de farishte ungliyaan munh wich chabaande san
درود اس تے جِنّھے پھر آکے غیرت زندہ کردتی
کئی صدیاں دی مُردہ آدمیّت زندہ کر دتی
Darood us te jinhne phir aake ghairat zinda kardi
Kai sadiaan di murda aadmiyat zinda kar dti
پڑھا دِتا سبق دنیا نوں غیرت دا شرافت دا
بچا دِتّا جہنم توں وکھایا راہ جنت دا
Parha ditta sabaq duniya noo ghairat da sharaafat da
Bacha ditta jahannum ton wikhaya raah jannat da
میں اعظؔم کیوں نہ اُس نوں مالک ِ دنیا و دیں آکھاں
حقیقت ہے کہ اس نوں رحمتہ اللعؐالمین آکھاں
Main Aazim kyon na us noo maalik-e-duniya o deen aakhan
Haqeeqat hai ke us noo Rahmatul lil Aalamin aakhan
Share This Naat
Share with friends and family
سلام اُس تے جیہڑا خالق دا بندہ بن کے آیا اے
محمد اعظم چشتی