عرب کا مہ لقا ہے اور مَیں ہُوں
جمالِ مصطفےٰ ؐ ہے اور مَیں ہُوں
Arab ka mah laqa hai aur main hoon
Jamal-e-Mustafa (SAW) hai aur main hoon
یہی صبح و مسا ہے اور مَیں ہُوں
محمدؐ ہیں، خدا ہے، اور مَیں ہُوں
Yehi subh o masa hai aur main hoon
Muhammad (SAW) hain, Khuda hai, aur main hoon
ہے اُن سے نامہ و پیغام ہر دم
مدینہ ہے، صبا ہے، اور مَیں ہُوں
Hai un se nama o paigham har dam
Madina hai, saba hai, aur main hoon
غلام اُن کا ہُوں جو آقا ہیں سب کے
مِرا بختِ رسا ہے اور مَیں ہُوں
Ghulam un ka hoon jo aqa hain sab ke
Mira bakht-e-rasa hai aur main hoon
میّسر ہے مجھے کیفِ حُضوری
درِ خیرالورٰیؐ ہے اور مَیں ہُوں
Mayassar hai mujhe kaif-e-huzoori
Dar-e-Khair-ul-wara (SAW) hai aur main hoon
پہنچ جاؤں کسی صورت مدینے
یہی اک مدّعا ہے اور مَیں ہُوں
Pohanch jaon kisi surat Madine
Yehi ek maddua hai aur main hoon
وہی روزِ جزا ہیں میرے حامی
بس اُن کا آسرا ہے اور مَیں ہُوں
Wohi roz-e-jaza hain mere hami
Bas un ka aasra hai aur main hoon
عنایت ہو شہِؐ بطحا کی مجھ پر
زباں پر یہ دُعا ہے اور مَیں ہُوں
Inayat ho shah-e-Bat'ha (SAW) ki mujh par
Zaban par ye dua hai aur main hoon
ہر اک دھڑکن میں ہے نامِ محمدؐ
مِرے دل کی صدا ہے اور مَیں ہُوں
Har ek dhadkan mein hai naam-e-Muhammad (SAW)
Mire dil ki sada hai aur main hoon
رسُولؐ اللہ مجھ پر مہرباں ہیں
نصیرؔ! اُن کی عطا ہے اور مَیں ہُوں
Rasool (SAW) Allah mujh par mehrban hain
Naseer! un ki ata hai aur main hoon
Share This Naat
Share with friends and family
عرب کا مہ لقا ہے اور مَیں ہُوں
سید نصیرالدیں نصیر