وابستہ ہو گئے ہیں تِرے آستاں سے ہم
آنکھیں ملا سکیں گے اب اس آسماں سے ہم
Wabasta ho gaye hain tare aastaan se hum
Aankhein mila sakenge ab is aasmaan se hum
جب تک گزر نہ جائیں شہا جسم و جاں سے ہم
روتے رہیں لپٹ کے ترے آستاں سے ہم
Jab tak guzar na jayein sheha jism o jaan se hum
Rote rahein lipat ke tare aastaan se hum
ہوگا نظارہ گنبدِ خضرا کا بعد میں
پہلے وضو بنائیں گے اشکِ رواں سے ہم
Hoga nazara gumbad-e-khazra ka baad mein
Pehle wazu banayenge ashk-e-ravaan se hum
بے مثل ہے سماعتِ آقائے دو جہاں
سن لیں وہاں سلام جو بھیجیں یہاں سے ہم
Be misal hai samaat-e-aqaaye do jahan
Sun lein wahan salaam jo bhejein yahan se hum
سرکارکے کرم سے نہائیں گے مشک میں
گزریں گے ان کے کوچہءِ عنبر فشاں سے ہم
Sarkaar ke karam se nahayenge mushk mein
Guzrein ge un ke koocha-e-ambar fashaan se hum
ملکِ سخن کے شاہ کی گلیاں چلو چلیں
لائیں کمالِ مدحتِ آقا وہاں سے ہم
Mulk-e-sukhan ke shah ki galiyaan chalo chalein
Layein kamaal-e-madhat-e-aqa wahan se hum
آقا ! ہےشعر جیسا بھی کر لیجئے قبول
واقف نہیں ہیں حسنِ زبان و بیاں سے ہم
Aqa! hai she'r jaisa bhi kar lijiye qubool
Waaqif nahin hain husn-e-zubaan o bayaan se hum
ہے عشق میں بھی شرک سے نفرت ہمیں شفیقؔ
دنیا نکال پھینکے ہیں دل کے مکاں سے ہم
Hai ishq mein bhi shirk se nafrat humein Shafiq
Duniya nikaal phainke hain dil ke makaan se hum
Share This Naat
Share with friends and family
وابستہ ہو گئے ہیں تِرے آستاں سے ہم
شفیق ؔ رائے پوری