میں اپنے ویکھ کے اعمال سنگاں یارسول اللہ
مگر کس توں تساڈے باہجھ منگاں یارسول اللہ
Main apne wekh ke aamaal sangaan Ya Rasool Allah
Magar kis ton tasade baahhj mangaan Ya Rasool Allah
میں مر چلیاں مدینے پاک دبے دیدار نُوں سسک دا
ناں مُک سکیاں نے پر آساں اُمنگاں یارسول اللہ
Main mar chaliyan Madine Paak dabe deedaar noo sisk da
Naan muk sakiyan ne pur aasan umangaan Ya Rasool Allah
ہے جی کردا کراں سجدے ترے دربار اقدس تے
کیویں پر حد شریعت دی میں لنگھاں یا رسول اللہ
Haye jee karda karaa sajde tire darbaar e aqdas te
Kiwain pur hadd e shariat di main langhhan Ya Rasool Allah
میں سنیاں ایں ترے دربار نُوں چُمن ناں دیندے نے
کدوں رُکنا ایں پر مستاں ملنگاں یا رسول اللہ
Main suniya aan tire darbaar noo chumman naan deinday ne
Kadun rukna ain pur mastaan malangaan Ya Rasool Allah
سیاہی میرے دامن دی یقیناً دُور ہووے گی
جے دامن وصل دے رنگ وچ میں رنگاں یا رسول اللہ
Siyahi mere daaman di yaqeenan door hove gi
Je daaman wasal de rang vich main rangaan Ya Rasool Allah
جے مل جاوے نظر منصور دی سرمد دا سر صائم
تے اپنی جان سولی تے میں ٹنگاں یا رسول اللہ
Je mil jaave nazar Mansoor di Sarmad da sar Saaim
Te apni jaan sooli te main tangaan Ya Rasool Allah
Share This Naat
Share with friends and family
میں اپنے ویکھ کے اعمال سنگاں یارسول اللہ
علامہ صائم چشتی