نبی کی یاد میں خود کو بُھلائے بیٹھے ہیں
اِنہی کی ذات سے بس لَو لگائے بیٹھے ہیں
Nabi ki yaad mein khud ko bhulae baithe hain
Inhi ki zaat se bas lo lagae baithe hain
تصورات میں ہر دم انہی کے ہیں جلوے
انہی کے ذکر کی محفل سجائے بیٹھے ہیں
Tasawurat mein har dam inhi ke hain jalwe
Inhi ke zikr ki mehfil sajaye baithe hain
کبھی تو وصل کی شب ہوگی آپ کی آمد
اسی اُمید پہ خود کو جگائے بیٹھے ہیں
Kabhi to wasl ki shab hogi aap ki amad
Isi umeed pe khud ko jagae baithe hain
گزر تو ہو گا کسی رہ گزر سے آقا کا
ہر ایک راہ میں پلکیں بچھائے بیٹھے ہیں
Guzar to ho ga kisi rah guzar se aaqa ka
Har aik raah mein palken bichae baithe hain
جمالِ چہرۂ انور جو خواب میں دیکھا
وہی نظارہ نظر میں بسائے بیٹھے ہیں
Jamal-e chehra-e anwar jo khwab mein dekha
Wohi nazara nazar mein basae baithe hain
اے ناز ہو گی مدینے میں حاضری اپنی
دیے اُمید کے ہم تو جلائے بیٹھے ہیں
Ae naaz ho gi madine mein hazri apni
Diye umeed ke hum to jalae baithe hain
Share This Naat
Share with friends and family
نبی کی یاد میں خود کو بُھلائے بیٹھے ہیں
صفیہ ناز